[A:70]'dzin da yan rgyal po'i khri 'don la phebs zhor gong dkar du khyab bdag nyi ma gling pa dag zhing du gshegs zin 'dug pa'i gdung mjal mdzad/ de skabs khri 'bul ba'i mi tshogs ha cang ches pas nged dang mjal gleng zhib par ma byung / sa skyong bsod nams rab brtan la zha lu mthil gtsang dgon gyi bka' khyab dgos tshul zhu gnang ltar sde pa nor bur bslab ston phebs/ gtsang du byon nas rje nyi ma gling pa'i 'dra sku legs pa zhig bzhengs pa dang lhan du dngul gdung thebs su srang bcu gsum 'bul ba gnang dgos tshul phebs pa'i phogs zhing sbyar bar brten lo lo bzhin dus su chag med tshugs pa'i thugs khur ched du bzhes/ bkra shis lhun por gtsang dgon skor gyi rgyu mtshan 'bul ba mdzad pa'i bca' yig bu ston rin po che'i dus sor bzhag la yul dus kyi dmigs bsal dgos pa rnams rje nyid kyis dbri snon mdzad/ dpon slob zhabs drung gi spyan lam du phab pas rin po che bka' drin bskyangs 'di 'dra zhig rang dgos gsungs dgyes pa'i gsung dang bcas mjug tu bu ston rin po cher hor rgyal pos gnang ba'i shel tham gyis mnan/ kun mkhyen bu ston rin po cher gsol 'debs dang bstan pa yun ring gnas pa'i smon lam gsung rtsom gnang / sku zhabs pa kha cig la rin po che lta bu thams cad kyis byas na rang lugs kyi bstan pa la dga' mo yod par gda' ste gsungs skad/ gzhis ka rtse nas mi sna'i tsha 'jun dang bcas 'jol nyog tu spyod pa rnam la nyin gcig la phyi rol tu dbyung nas khrims legs par bsdams te da lta'i bar du gnas pa dam pa 'di'i bka' drin ni zha