[A:༨༧]པར་བརྟེན་ནོར་བདག་པོར་སྤྲད། ཐུགས་རྗེ་ཆེན་པོ་དོན་ཡོད་ཞགས་པའི་སྒྲུབ་མཆོད་ཞ་ལུ་ས་ལ་བཏིང་བ་ནས་ཟླ་བ་དང་པོ་བྱུང་རེས་ལ་ཚུགས་པ་བར་སྐབས་སུ་ཆག་ནའང་འདི་ལོ་འབག་སྣའི་ས་རིས་ལ་བརྟེན་ནས་སྔར་ལུགས་སུ་ཚུགས་ས་བྱ་ལོ་ཞ་ལུར་བཞུགས་པའི་དཔྱིད་ལྷོའི་ཇུས་རིམ་ལ་དམིགས་པའི་ཞ་ལུ་སྤྱི་སོས་ལས་གཤིན་གྱི་གཏོར་བཟློག་བཙུགས་སྐབས་གློ་བུར་དུ་སྐུ་ལྟེམ་པའི་ཞམ་རིང་པ་རྣམས་བློ་འཁོལ་བའི་དུས་གཟིགས་སྣང་དུ་བེང་གི་འཆམ་སྐུ་ཞལ་འཛུམ་པ་ནས་སྐྱོན་མི་འདུག་གསུང་བ་ལྟར་འཕྲལ་དུ་སྐུ་དྭངས། དབྱར་སྐུ་ཤིན་ཏུ་བསྙུན་པའི་བརྟག་པ་དགོས་ཚུལ་དང་བཅས་ཕྱག་བྲིས་བྱུང་འཕྲལ་བརྟན་བཞུགས་ཀྱི་ཚིགས་བཅད་སྐུ་བེར་བཞུགས་འདིང་སོགས་ཕུལ། བརྟག་པར་ཤར་བའི་སྐུ་རིམ་རྣམས་མཛད་པའི་དུས། འོད་གསལ་དུ་མགོན་པོ་གུར་མི་ཚད་ཙམ་དུ་ཤར་ཞིང༌། བྲག་རྫོང་མ་ལ་ཉམས་ལེན་མཛད་པ་སྐུ་བདེ་རུ་སོང༌། འཇིགས་བྱེད་བུ་ལུགས་མ་བྱེད་པར་ཚར་ལུགས་ཀྱིས་ཟེར་བ་བཞིན་ཉམས་བཞེས་གནང་བས་ཀྱང་བོགས་ཤིན་ཏུ་ཆེ། དེ་ནས་ཉང་སྟོད་དུ་མཁང་དྲག་ནས་ཀྱི་གཞིས་ཀར་དཔོན་ཚང་མཐོང་སྨོན་རྒྱབ་པས་བཅོས་ཀ་མང་དུ་ཕུལ་བས་དངས་རྒྱུའི་ཁུལ་གྱིས་ཞ་ལུར་ཚུར་ཕེབས་ནས་ས་སྐྱོང་བློ་བཟང་མཐུ་སྟོབས་ཀྱི་ཁྲི་འདོན་ལ་བཏེག །བྱད་རྦོད་ཀྱི་རྟགས་དང་སྙུང་གཞི་ཡང་ཇེ་མཐོར་སོང་ནས་སྐྱིད་གཤོངས་སུ་བཞུགས་རྡོར་ལེགས་ཁྲི་འབུལ་ལ་རྫོང་བདའ་གནང༌། གྲོང་གསེབ་ཏུ་བཞུགས་པ་མ་འགབ་པས་རིན་ལྡིང་པའི་དགོན་ལག་ཆོས་ལུང་དུ་བསྒྲིལ། དཔོན་ཚང་སྐྱིད་དཔེ་བ་ངག་དབང་བཟོད་པས་ཐང་ཆེན་ཉེར་ལྔ་དང་བསྣོལ་རྩར་གཏར་