[A:༨༩]དུ་ཤར་རྒྱག་ཐེགས་རྩིས་ལ་གོང་དཀར་དུ་ཆུ་འབམ་གྱིས་བསྙུན་པར་སྐྱིད་དཔེ་ནས་ཀྱིས་ཆབ་ནད་གཞི་མེད་དུ་བཏང་ཡང་ཞབས་ནད་ལ་དྲུང་འཚོ་སུམ་དགའ་རྫོང་བདའ་བྱས་པས་འགྱངས་མེད་དུ་བདེ། དབྱར་ཐོག་གསོལ་ཆས་ཕུལ་ནས་ཆོས་སྡེར་བཞུགས། སྐུ་ཁམས་མ་གཞི་ཡང་དངས་སྐྱེད་ཤིན་ཏུ་ཆེ་བས་ཆོས་སྡེའི་གྲྭ་པ་ཕྱེད་སུམ་བརྒྱ་ཙམ་ལ་དབང་ཆ་བཅུ་ལྷག་ཏུ་བཅད་པའི་གདུགས་དཀར་ལྷ་མང་གི་དབང་དང་ལེགས་ལྡན་མཆེད་གསུམ་གྱི་རྗེས་གནང་སྩལ། མང་ཐོས་འཕྲིན་ལས་རྣམ་རྒྱལ་ལ་བཀའ་གདམས་གླེགས་བམ་དང་གྲུབ་ཐོབ་བརྒྱད་ཅུའི་བྱིན་རླབས་སོགས་ཆོས་བཀའ་མང་དུ་གསན། ཧོར་ཟླ་ལྔ་པའི་ནང་དུ་དམར་པོ་རིར་ཕེབས་ཞལ་དཀར་པོའི་རྗེས་གནང་ཐུན་མོང་མ་ཡིན་པ། ཚོགས་བདག་གི་རྗེས་གནང་ཁྱད་པར་བ་དང་ཐུན་མོང་མ་ཡིན་པ། འཆི་མེད་རྡོ་རྗེའི་ལྷ་མོའི་རྗེས་གནང༌། བཀའ་གདམས་ལྷ་བཞིའི་འཁྲིད། དཔལ་ཡེའི་བློ་སྦྱོང་ཆེན་མོའི་འཁྲིད། ཡང་དག་གི་དབང་སོགས་ཆོས་བཀའ་འགའ་ཞིག་ཞུས་ཤིང༌། རིམ་གྱིས་གཙང་དུ་ཐེགས་མཁན་པོ་ཀུན་སྤངས་མཛད་པའི་སྒོ་དོད་ནས་སྤྲོད་དཔང་དུ་གཞིས་རྩེ་ནས་ཞིང་མོ་ཆེ་བ་རྫོང་བདའ་བྱས་པའི་ཐོག་མར་གསེར་སྐུ་མདའ་གང་ཙམ་གཅིག །གཟིམས་མལ་སྐུ་འདྲ་རིན་པོ་ཆེར་དབུ་པཎ། སྣམ་སྦྱར། དབུ་ཐོག་ཏུ་བླ་བྲེ་ཤམ་ལྡན། མཆོད་ཁང་གི་ལྕམ་གླིང་གཅིག་ལ་གནམ་རྒྱན། སྐུ་མདུན་དུ་དངུལ་གྱི་མཎྜལ་ཆེ་བ། ལྗངས་གསེར་གྱི་མཎྜལ། ལི་ཏིང་འགག་གཟུགས་བདུན་ཚར། བུམ་པ་གྲས་མཚུངས་བཅུ། མཆོད་ཀོང༌། རྟེན་ཁྲི་