[A:༩༡]མཎྜལ་གྱི་ཚུལ་དུ་བཏེག་ཉེར་ལྔ་ལ་དཔོན་སློབ་རྣམས་གཙང་དུ་ཐེགས། སྒྲུབ་མཆོད་ཆེན་མོའི་ཐོག་དབང་ཆ་གཅིག་ལ་འཆི་བདག་འཇོམས་པའི་དབང་གནང༌། སྐུ་ཞང་མཁན་ཐོག་ཏུ་བྱོན་ཟིན་པའི་ཐུགས་གཡེང་པོར་ནས་ངོར་མཁན་ཆེན་སྒྲུབ་ཁང་པ་དཔལ་མཆོག་རྒྱལ་མཚན་གདན་དྲངས་སམྦུ་ཊིའི་དབང་དང་ལམ་འབྲས་པོད་དམར་གྱི་ལུང་སོགས་ཆོས་མང་དུ་གསན། ཁྱབ་བདག་ཞ་ལུ་པ་ཆེན་པོས། ངོར་མཁན་ཆེན། གནས་གསར་ཞབས་དྲུང་དཔོན་ནམ་མཁའ་བསོད་ནམས་དབང་གི་རྒྱལ་པོ། ཞ་ལུའི་ཆེན་སློབ་སོགས་ལ་དབང་ལུང་མང་དུ་མཛད་གདན་ས་གོང་དུ་རྗེ་བཙུན་ས་སྐྱ་པ་ཡབ་སྲས་མཇལ་བ་གནང་ཞིང་ཟབ་ཆོས་མང་དུ་གསན། ཚར་ལུགས་ཀྱི་བསྟན་འཛིན་རྒྱལ་རྩེ་ཞབས་དྲུང་བྱམས་པ་ངག་དབང་བསོད་ནམས་རྒྱལ་མཚན་ལ་ཚེ་དཔག་མེད་གྲུབ་རྒྱལ་མ་ལྷ་སོ་གསུམ་གྱི་དབང་སོགས་ཆོས་བཀའ་ཁ་ཡར་གསན། ཕྱིར་བྱོན་ནས་དབུས་སུ་བཏེག་པའི་ལམ་དུ་རླུང་འཚུབ་ཤིན་ཏུ་ཆེ་བ་བྱུང་བས་བཤོལ་ནས་ཞ་ལུར་སྐུ་མཚམས་བསྡམས་པའི་རྟ་མགྲིན་སྐྱེར་སྒང་ལུགས་ཀྱི་བསྙེན་སྒྲུབ་གནང༌། ཆུ་བྱི་ཟླ་བ་དང་པོ་ནས་གོང་དཀར་ཆོས་སྡེར་བཞུགས་གདན་འཇགས་རིང་དཔོན་པོ་ལོ་ཙཱ་བ་གསོལ་ཕོགས་ཀྱི་རྒྱུ་མཚན་ལ་བྱུང་བ་བཞིན་འཛིན་ཕུལ། ཟླ་བ་ལྔ་པ་ཕྱི་མའི་ནང་དུ་པོ་ཏ་ལར་ཕེབས། ཆག་མེད་བཞི་ཡང་སྐྱོར་དང་ཕྱག་རྡོར་འཆི་བདག་འཇོམས་པ། མི་འཁྲུགས་པ་ལྷ་བཅུ་གསུམ་གྱི་དབང༌། རྟ་མགྲིན་ཤངས་ལུགས་ཀྱི་བྱིན་རླབས། ཕྱག་བཞི་པ་དང༌། སེང་གདོང་མ་དམར་མོའི་