[A:༩༩]འཁོར་འགའ་འདུག་པས་ཕྱག་འཚལ་ཞིང་དཔོན་ས་རྒྱལ་མཚན་པས་དར་དཀར་པོ་འབུལ་ཚད་ཚད་བྱེད་པ་བྱུང་བ་ནང་པར་བསྟན་སྲུང་མ་ཆེན་མོའི་ཆོ་འཕྲུལ་དུ་དགོངས། རེ་ཞིག་ཆོས་མཚམས་མི་གནང་ཀ་མེད་ནས་ཞ་ལུར་ཕེབས་གནས་ཚུལ་སྐྱེལ་བར་དཔོན་པོ་ལོ་ཙཱ་བ་བྱུང་བར་སྐུ་རིམ་གྱི་བརྟག་བབས་སོགས་རྒྱུ་མཚན་གྱི་ཞིབ་ཆ་ཕུལ། དཔོན་ཚང་སྐྱིད་དཔེ་བས་ཞལ་སྐྱུགས་ཐེངས་གཉིས་དྲངས་པས་བེད་སྐྱེད་ཆེ་ངེས་བྱུང་ནས་བསམ་ཡས་སུ་གསོལ་མཆོད་གནང་དགོས་གདན་ས་གོང་གི་སྣེ་སྦྱོར་བཀའ་ཤོག་དང་བཅས་རྡོར་ལེགས་པ་ཟླ་བ་བདུན་པའི་མཇུག་ཏུ་འབྱོར། བསམ་ཡས་སུ་ཆོས་རྗེ་རྐན་ཕུ་བ་རྫོང་བདའ་བྱེད་པ་དང་འགྲིག་པས་གསོལ་ཆས་བཀའ་ཤོག་སོགས་བསྐུར་ནས་རྡོར་ལེགས་པས་འདི་ཁར་ཁྲི་ཕེབས་ཁྱད་ནས་བསྡད། སྐུ་རིམ་ཐེབས་སུ་ནས་ཁལ་ཉིས་བརྒྱ་དངུལ་སྲང་བཅོ་ལྔ་དང་རེ་ཞིག་དབུས་ལ་ཕེབས་པ་བར་ཆད་ཆུང་ངོ་ཤར་བ་སྐུ་ཁམས་ཀྱི་ནམ་ལྕོགས་ལ་བྱོན་ན་འགབ་པའི་ཕེབས་ལན་ངག་མ་བཅས་རྡོར་ལེགས་བརྫངས། ཧོར་ཟླ་བཅུ་གཅིག་པའི་ཚེས་གཅིག་ལ་ཁྱབ་བདག་ཞ་ལུ་པ་ཆེན་པོ་ཕེབས་ཞག་བཞིའི་བར་རྫོང་དུ་བཞུགས། དེ་ནས་ལྷོ་མོས་སུ་བཅད་རྒྱ་དམ་པར་གནང༌། དེ་ནས་ཚལ་པ་སི་ཏུ་དགེ་བའི་བློ་གྲོས་ཀྱིས། མཁས་པའི་ཡུལ་སར་མཁས་པའི་གཏམ་གྱིས་དགའ་བ་བསྐྱེད། །ཆེན་པོའི་མདུན་སར་ཆེན་པོའི་གཏམ་གྱིས་དགའ་བ་བསྐྱེད། །བླུན་པོའི་མདུན་སར་གྲོང་པའི་ཚིག་གིས་དགའ་བ་བསྐྱེད། །ཨེ་མ་རྨོངས་པའི་མདུན་སར་ཆལ་ཆོལ་གཏམ་གྱིས་དགའ་བ་བསྐྱེད། །ཅེས་གང་ཟག་སོ་སོའི་བློ་དང་མཐུན་པར་འཇུག་པ་ཞིག་མ་གཏོགས་བརྗོད་པ་མཐའ་དག་རྣ་བར་མི་