[A:100]'bab pas/ tshogs bshad za zi'i sbyor ba dang mdo sngags kyi 'khrid phyogs re tsam don du gnyer ba'i skye bo rnams kyi blor chud dka' bas/ 'jam dbyangs sa skya paNDi tas/ lung bzang 'dab ma'i khur gyis lci gyur cing / /dri med rig pa'i ze'u 'bru mdzes pa can/ /don bzang sbrang rtsi'i bcud kyi za ma tog /blo gsal bung ba 'du ba'i dga' ston yin/ /zhes rin po che lta bu'i gdul bya mchog kho na'i spyod yul du gyur pa'ang ji skad du/ yon tan ldan pa yon tan la dga' zhing / /yon tan med pa yon tan la mi dga'/ /nags kyi bung ba mtsho yi padmar dga'/ /sbal ba lhan cig gnas kyang de lta min/ /zhes sbal pa padma dang bskal bar 'grogs kyang dga' bar mi sems shing bung ba nags klung du sdod kyang padma'i bcud myang ba la brtson pa ltar nA landa nas rgyud sde rgya mtsho'i mkhyen pa'i spyan yangs bco brgyad chos rje byams pa ngag dbang lhun grub/ khyab bdag bka' 'gyur ba'i dbon gnas gsar zhabs drung nam mkha' bsod nams dbang gi rgyal po/ lcags zam chos rje ngag dbang bstan 'dzin phun tshogs/ 'dar ba rje drung blo gsal bstan 'dzin/ drung yig 'jam dbyangs bstan 'dzin/ mchod dpon rin chen 'jam dpal sogs don gnyer can nyi shu skor la hor zla gnyis pa'i nyer lnga nas chos 'khor bskor ba'ang tshar chen gyi gsung mgur las/ nyams len gdams pa'i gtso bo ni/ /rgyal yum bdag med mkha' 'gro la/ /paN grub dbang po bi rU pas/ /nos pa nas bzung da lta'i bar/ /rtsa ba'i bla ma yan chod du/ /dbang bzhi'i chu bo ma nub pa'i/ /bla ma'i gsung ngag bdud rtsi'i rgyun/ /tshad ma bzhi ldan dbang bzhi'i