[A:101]lam/ /rdo rje theg pa'i snying po yin/ /zhes bdag med rdo rje btsun mos mkhas grub kyi gtsug rgyan dpal ldan chos skyong la gnang ba nas bzung zab chos dbang gi chu bo ma nub cing snyan brgyud mkha' 'gro'i kha rlangs gdung brgyud rim bar tshig brgyud du byon pa gsung ngag rin po che slob bshad kyi dbang 'khrid lung byin rlabs rnams gegs med du shin tu smin par stsal ba'i rgyun nub pa med pa'i rten 'brel gyi sgo phun sum tshogs pa ni dpal mgon stobs 'phrog dbang po dang las mgon pu tra chen po gnyis kyis 'phrin las bsgrubs par gor ma chag /chos zhu ba rnams kyis sgrol dkar gyi tshe chog 'chi slu dang 'brel ba'i brtan bzhugs phul zhing dpon slob so so nas chos skyong rnams la gtang rag dang tshogs mchod rgyas par mdzad do/ /rtse chen bla ma'i snyan brgyud bdud rtsi sogs/ /smin grol lung gi bgrangs yas sgo phye tshe/ /khyab bdag rdo rje sems dngos zha lu par/ /nges rnyed gzhan du 'tshol ba'i spros pa bcad/ /'khon ston 'jam dpal rdo rje yab sras nas/ /rigs kyi bdag por bkur ba'i che tshugs gzhu/ /dman 'gror rjes brtse'i rgyud kyis rab bkug pa'i/ /lhag bsam mar me mdzad dpal tshul la 'gran/ /mdo rgyud gdams pa'i tshong zong rin cen dpya/ /ris med gzhan la gtong dang rang nyid kyis/ /blangs nas lung rtogs nor bu'i blo gros mdzod/ /yongs su gang byed ded dpon gzhan na ci/ /thub bstan srog zungs 'dzin khyod zil mngar bcud/ /phrog bdud snga phyir langs pa'i sgra gcan mgrin/ /mchog gsum thugs rje bskul dang drang srong gi /dmod dpal rdo rje srin po'i