[A:102]'khor los bcad/ /sbyor ngan yun du zhen pa'i bsnyun gyi dri/ /ma dag zug rngu 'byin pa'i mtho ris chu/ /'dren pa'i ro nus sbyor sde 'phrul po che/ /byed po lha yi sman pa tha skar skyes/ /blo gros rab yangs rkyen gyis mi g.yo brtan/ /kun bzang mchod pa mtha' klas dkyil 'khor la/ /spro ba'i dbang gi rgyun nyams slar gso ba/ /bstan la gcig tu che ba'i mdzad pa'i phul/ /ma dang mkha' 'gro'i kha rlangs katpu ra'i/ /gzegs ma phyogs brgyar 'phro ba gsar pa'i gter/ /mi bsrun 'byung po'i tsha ngad yongs bcil ba/ /gan jag thang ta'i rnam par sprul las bzhes/ /ches dkon zab don snod du rigs sad par/ /snyan brgyud tshad ma bzhi ldan gsungs pa'i mod/ /dkyil 'khor lha tshogs dgyes pa'i bden tshig glu/ /len cing srid mthar 'phel ba'i shis pa brjod/ /de ltar rje 'di nyid kyis dam pa'i chos gsan pa dang gar thig dbyangs skar rtsis sogs gnas kyi slob dpon rags rim gong du gsal ba bzhin dang / gzhan yang rtse gdong khri chen kun dga' bsod nams lhun grub bkra shis grags pa rgyal mtshan/ sa skya sgar chen mthu stobs dbang phyug /'brug pa zhabs drung bstan pa'i nyi ma/ 'brug pa sprul sku rin po che blo bzang mi pham dbang phyug /ngam ring mkhan chen klu sgrub chos kyi rgyal mtshan/ zha lu mkhan po nam mkha' chos ldan/ chos lung mkhan chen thug po ba lung rigs kun dga' rgya mtsho/ bzang ldan mkhan po rgyal rtse ba kun dga' bsod nams grags pa/ bsam sdings sprul sku bde chen 'tsho mo/ lcog gra sprul sku ngag dbang snyan grags bzang po/