[A:27]mdzad/ sngar slob dpon par phyag mi 'tshal ba'i brgya 'og gi drung 'khor rnams kyis kyang gus pa'i sor bcu snying khar sbyar ba sogs mchod yon thams cad thugs yid gcig 'dres kyi dga' ston phun sum tshogs pa mdzad do/ /mkhas grub yongs 'dzin tshangs pa'i ral klung nas/ /mkhyen brtson skal ldan shing rtas nyer drangs pa/ /dbang lung rig gtad rjes gnang ganggA'i rgyun/ /'thung nus dzahnu de gzhan na su/ /khyad par dkyil 'khor bye ba spro bsdu'i mgon/ /rin chen chos kyi 'byung gnas rgya mtsho'i rlabs/ /legs bshad yol med phyag mtshan yongs gtad pa/ /bu ston bstan pa'i bdag por mnga' gsol bzhin/ /phyi nang gsang ba'i brag ri mthor brtsegs rdzong / /rgyud gsum dregs pa gsal stong zung 'jug tu/ /ngo sprod mkha' 'gro'i kha rlangs snyan brgyud kun/ /pha rgod gnas gsar chos rje'i drin las rnyed/ /yid 'phrog lta na sdug pa'i skyed tshal du/ /zla med bla ma mchog dang mi 'bral bar/ /zhal 'ches nyi ma'i gnyen dang kun dga' bo'i/ /rjes 'gro'i rnam thar 'di ko gcig tu mtshar/ /ma rungs rgya 'drer rdzu ba'i snying dron khrag /mi'u thung srin po'i zhal sgor hub kyis drangs/ /gang snang bla ma'i ngo bor rtag 'char ba/ /rab 'byams dag pa'i zhing gi bkod par 'gran/ /sum rtsen sa la 'phos 'dra nyang stong yul/ /rin cen lding khang phub pa'i gzhal med cher/ /khyab bdag rnam par snang mdzad 'tshams sprin mdog /gsar ba'i bla gos 'chang la gcig tu brel/ /mi ring bar ri phug tu rje rdo rje 'chang gi zhabs drung du byon rin po che gser gyi