[A:32]su skams tshar ba gzigs gshis bar chad du dgongs nas 'dar du zhu yig phul ba'i lan du/ rgyal ba kun dngos mkhyen brtse'i dbang phyug gi /thugs sras dam pa dbang phyug rab brtan la/ /mi phyed dad pas snying nas gsol 'debs na/ /bdag sogs ltos bcas 'bral med thugs rjes bzung / /gang byung thugs rjer shes pa'i mos gus kyis/ /bgegs dang bar chad gang gis mi brdzi bar/ /ci bsams don kun 'bad med lhun grub nas/ /bstan dang 'gro don mkha' khyab 'byung bar shog /ces pa'i smon lam yang stsal/ sa 'brug lo 'dar du phyag 'bul la phebs pa na 'u cag dpon slob mjal ba'i dus kyang byung legs byung zhes dgyes pa chen pos chos mang du gsungs/ khyad par thams cad mkhyen pa bu'i rim lnga'i 'khrid yig za ma tog dang / kun mkhyen mkhyen brtse'i kha 'byed lde mig sbyar ba'i nyams 'khrid rgyas par gsan pa'i tshe mnal lam 'dzin pa gnang bar zin nas yum bde dog ci 'dra yod dam dgongs gzigs par phebs pa zha lu'i gtsug lag khang gi 'gag der byon pa dang mnal sad/ de dus paN chen ngag dbang chos grags sku rkyang gis tshom chen du rdo rje 'chang la gsung chos gsan pa'i tshe rje nyid gzims chung sbug tu bzhugs yod pa gsung chos kyi mtshams shig la shar mar phebs nas kun mkhyen bu ston rin po che'i bstan pa zha lu pa'i grub mtha' 'dzin par gzhan chos lugs mang po bgrangs nas mthar gzhan su'ang mi yong bas nyid kyi pho rgyab cig ces bslab ston gnang ba sogs la thugs mos che bar 'dug rung gsung chos zhu ba ni stabs 'grig