[A:33]pa zhig ma byung bar gda'/ rdo rje 'chang gi bka' bzhin khyab bdag bka' 'gyur par tshig sgra'i khyad nas bla brang rtser phun tshogs dngos grub ma'i lung rdor dbyings kyi dbang sogs chos bka' 'ga' zhig stsal/ mi dang mi ma yin gyi srung yig zhu ba gnang 'dug pa 'di lta ste/ oM swa sti/ rgyal ba khyab bdag rdo rje 'chang chen po 'jam pa'i dbyangs mkhyen brtse'i dbang phyug bstan pa'i rgyal mtshan dpal bzang po'i zhal snga nas kyi bka'/ dpal rdo rje 'jigs byed chen po'i lung / ma he'i zhal gyi rnal 'byor pa rdo rje 'dzin pa dbang phyug rab brtan dpal bzang po'i yi ge /khams gsum du gtogs shing sa gsum du rgyu ba'i 'byung po mi dang mi ma yin pa thams cad kyis dgongs shing nges rgyu/ nged kyi rdo rje'i slob bu rgyud sde 'dzin pa rin cen bsod nams mchog grub bstan pa'i rgyal mtshan dpal bzang po 'di nyid bstan 'gro'i don dang rang don du thos bsam sgom gsum dang gzhan don du 'chad rtsod rtsom gsum la sogs pa lugs gnyis bya ba gang dang ci byed kyang khyod yul khams so so'i lha 'dre mi gsum gyis gus pa'i bkur sti mchod bstod snyan spel dge ba'i grogs su gang 'gro bgyid pa ma gtogs bsam gtan gyi bgegs dang bar chad du 'gro ba skad cig kyang ma byed/ gal te gong las 'gal ba byung na rdo rje 'jigs byed rab tu khros pas 'chi bdag gshin rje'i zas skal du gtod pa nges par gyis/ 'di'i do dam ched gnyer dgos pa rgyal po chen po rnam thos sras 'khor dang bcas pa dang gnod sbyin chen po beg tse ba 'khor dang bcas pas nyin mtshan du bsrung