[A:3]sna mang sprul pa'i zlos gar bsgyur las zhing 'dir mkhas grub tshul bstan nas/ /thub pa'i ring lugs rgyal mtshan bsgreng mdzad dpal ldan skal pa bzang por bsngags/ /'pho med gtsug tor rtser bcings bde chen waM/ /stong chen e dbyings sna tshogs lha mo dang / /mnyam sbyor kA la tsakra bshes gnyen du/ /ston pa'i 'khrul po che gzhan dmigs su med/ /tshul de legs pa'i cha bsags grong khyer na/ /dpal ldan rgyu skar 'khor lor skal can rnams/ /smin mdzad 'jam dbyangs grags snyan 'bar ba'i lha/ /ljongs 'di'i shing rta chen por bstan nam snyam/ /yang na bdag med mkha' 'gro'i gsang mdzod kun/ /nyer 'dzin rnal 'byor dbang phyug ring lugs srog /zungs su shar phyogs slob dpon karNa kaH /byon tam blo 'di som nyi'i drwa bar chud/ /gcig tu dkar ba'i thub bstan kha ba'i ri/ /log rtog na bun bsangs nus rnam dpyod nyid/ /ma pham bla ma'i ring lugs ba kU la/ /'byed pa'i g.yon mig 'gram chang da gdod 'thor/ /rgyal sras slob ma'i tshogs kyis mgrin gcig glu/ /nyer blangs gdugs dang ba dan rol mor