[A:4]bcas/ /bu ston chos rje'i bshad sgrub bdag po ru/ /mgon khyod mnga' gsol ched du dbang bskur nges/ /lhun po'i rtse mor rnam par snang mdzad kyis/ /yongs sprul gzha' tshon ltar bkra'i gzhal med khang / /gangs can dngas mtshor sgrib bral 'char nus ding / /rdor sems ngo bo mi gtong khyod gcig pu/ /gang blo yangs pa'i mngal du mkhas grub kyi/ /yon tan gser sgong smin pa'i rtogs brjod tshad/ /'dzin la khyab 'jug rig stsal chen po'i mtha'/ /'dzad na bdag 'dras brjod pa'i khur de lci/ /bsam gtan par bcos 'gog pa'i ting 'dzin mkhan/ /rtog ge'i tshig mdas nges pa'i don snying 'bigs/ /cher rlom 'phyon ma'i spyod tshul gleng mthong tshe/ /sgyid pa mi skyur gzengs bstod sems de spro/ /rdzun phra rtsub kyal ser bas phan bde'i lo/ /'joms 'dren lce yi glog zhags mang 'khyug mod/ /gtan 'dun myu gu bskyed nus ngo mtshar gtam/ /chu 'dzin lang long g.yo ba brgya lam tsam/ /de phyir gdan gsum tshang pa'i he ru kaH /bshes gnyen sgyu drar rol ba'i thun mong gi /rnam thar nor 'dzin gzhi las sor mo'i rtses/ /blangs pa'i rdul gyi grangs tsam bshad kyis nyon/ /de yang mkhas 'jug las/ bstan bcos byed pa'i dam pa yis/ /ston pa la ni mchod brjod bya/ /bstan pa spel phyir dag pa'i tshig /'di la 'thad pa bzang po mthong / /zhes pa ltar yul khyad par can la ched du brjod pa'i tshigs su bcad pa tambU ra'i rgyud las nye bar drangs te skabs su gleng bar bya ba ni/ mgon po zhi ba lhas/ 'gro ba'i sdug bsngal