[A:68]gra mang zhig la rab byung bsnyen rdzogs stsal/ bkra shis lhun por dpon slob paN chen rin po che mjal bar phebs pa'i ja gral gyi sar bla ma rab 'byams par bka' 'gyur gyi lung yod tshul snyan 'bul mdzad par karma pa rang byung rdo rjes g.yag sde paN chen la dbyangs gsal gyi rjes gnang bskur nas des chos thams cad thob par 'gro gsungs par gzhogs drud nas kar lugs pa rnams kyis lung mdzad pa yin/ bklags lung khungs ma deng sang bod na med tshul sogs bka' phebs rgyas par stsal/ byams pa gling du chos dbar bteg kun mkhyen bu'i nye gnas bsod nams grub kyis mdzad pa'i gar yig steng nas dus 'khor gyis gar dpon tshang 'jam dbyangs kyis phul ba bzhin sbyong bdar dpyis phyin pa gnang / lho bod kyi bde gzar chen po de langs pa'i sa skyong bsod nams rab brtan dpung thob tu rgyal rtser phebs pa mjal bar byon/ ri phug gi dus 'khor sgrub mchod la sa gar sbyin sreg mchod gar sogs kyi gar dpon dang chog dpon rje bla ma 'di nyid kyis gnang dkyil 'khor de'i steng snye mo ru'i bla ma sogs nyer lnga la bdag po chen pos mtha' brten pa'i dbang rdzogs par stsal lo/ /rgyud sde rnam bzhi'i smin byed dbang gi sgo/ /sgo 'phar brgya phrag phye tshe gdan gsum kun/ /kun nas tshang ba'i mgon khyod 'og min zhing / /zhing khams rgya mtsho'i gtso bor da gdod 'khums/ /spas pa'i rnal 'byor ma dngos gru 'dzin du/ /gshegs la ltos pa min kyang rjes 'jug rnams/ /tshogs chen gsog la bskul 'dis thams cad sgrol/ /sbyin pa'i pha