[A:69]rol phyin pa ming du zad/ /'od gsal lam nas lha ldan gandho la/ /ma sgribs shar ba ji bzhin mngon sum du/ /gzigs tshe bla nas blar 'phel dad pa yis/ /rgyal kun byin rlabs thugs kyi dpal ber gtams/ /khrus gsol bcom ldan rig byed lha mo'i mthus/ /sdig to'i dri ma 'khrud pa'i rdzing bu ru/ /gyen 'phyur sman gyi chu bo a ga stas/ /gzhan snang zug rngu'i dug kun drung nas phyung / /rang byung thugs rje che sogs ri mthil gyi/ /gnas rten mig gi bdud rtsir bsten pa'i tshe/ /dad spel lo rgyus tam bU ra yi rgyud/ /khyab bdag bla ma'i rnam dpyod sor mos bskul/ /bu ston 'jigs med dpa' bo'i chos kyi sder/ /thub gzhung lus kun rdzogs pa'i gsung ngag chos/ /mkhas grub rdo rje'i slob dpon nyi gling rje/ /se ston ngur smrig zol gyis 'ongs pa bzhin/ /thun mong lam gyi kunda bzhad nus pa'i/ /bstan 'dzin 'bum phrag zla bas 'byed min gnad/ /slob bshad pad dkar ze'u 'bru'i sbrang rtsi'i bcud/ /'thung ba'i skal bzang bung ba khyod nyid tsam/ /'chi med grub pa'i mgon po lcags zam pas/ /tshe byin brlabs pa'i rten 'brel lhun gyis grub/ /'jam mgon gong ma'i legs bshad lha lam gyi/ /mtha' 'jal gshog rdzogs mkha' lding gnyis gzhan med/ /dpal ldan rgyu skar dkyil 'khor gzhal yas khang / /'gro la mngon sum ston pa'i zla ba bzang / /rin cen mdzes pa'i do shal nyer dor nas/ /phyag dar khrod pa'i gos kyis klubs 'di ci/ /sa khyi gnam sa'i dbang phyug bstan