[A:5]sman gcig pu/ /bde ba thams cad 'byung ba'i gnas/ /bstan pa rnyed dang bkur sti dang / /bcas te yun ring gnas gyur cig /ces lus can rnams rgyu kun 'byung las nyon gyi bden pa las 'bras bu sdug bsngal bden pa 'byung ba'i zug rngu rtsa ba nas 'byin par byed pa'i rtsi sman gyi ljon pa chen po/ rgyu lam gyi bden pa las 'bras bu 'gog pa'i bden pa'i zhar la gnas skabs srid pa'i bde ba rnams kyang 'byung ba'i sgo gcig pu sa gsum gyi sgron me sangs rgyas bcom ldan 'das kyi bstan pa rin po che yin la/ de yang sangs rgyas phal po che las/ nam mkha'i mthar thug gyur pa ji tsam pa/ /sems can ma lus mtha' yang de bzhin no/ /zhes nam mkha'i mtha' khyab pa de snyed ltar sems can gyi khams kyang zad pa med pas 'gro ba rnams 'dren pa'i ched du 'das pa dang ma byon pa dang da ltar bzhugs pa'i sangs rgyas kyi grangs kyang 'di tsam mo zhes blo'i ra ba las yongs su brgal la/ 'on kyang lha rnams kyis 'di ni bskal pa bzang po'o zhes pa'i ched du brjod pa'i grags can gyi bskal pa 'di la sangs rgyas stong ngam stong dang lnga tshang bar 'byung ba'i bzhi pa 'o skol gyi rnam 'dren zas gtsang gi sras po 'di nyid rgyud bla mar/ thugs rje chen pos 'jig rten mkhyen/ /'jig rten kun la gzigs nas kyang / /chos kyi sku las ma g.yos par/ /sprul pa'i rang bzhin sna tshogs kyis/ /skye ba mngon par skye ba dang / /dga' ldan gnas nas 'pho ba dang / /lhums su zhugs dang bltams pa dang / /bzo yi gnas la