[A:82]mkha' la 'dab chags ltar 'phur sprul bsgyur gyi/ /'od gsal gcig gis khor yug 'byams su klas/ /kun mkhyen bu ston zhabs de'i seng ge'i khrir/ /mgon khyod rgyal tshab dam par dbang bskur bas/ /cher snyigs bstan pa'i me tog ldum ra la/ /rnam gsum 'khor lo'i chu bo 'dren par bskul/ /'khon rigs 'jam dpal dpa' bos rjes su bzung / /rnal 'byor dbang phyug dgyes zhal mngon sum bstan/ /rdo rje'i chos srung rnams kyis 'phrin las kun/ /'bad med sgrub pa'i rten 'byung lhug par 'grig /kun dga' rwa ba'i kho ra khor yug rnams/ /gser gyi ba gam lta bu'i 'od zer 'phro/ /dam tshig ye shes gnyis med rab gnas pa'i/ /dga' ston dpyid kyi pho nya'i glu bzhin snyan/ /shing sbrul gyi ston rje nyid po ta lar phebs hor zla bcu pa'i tshes drug nas zhag shas kyi bar klu sgrub rjes mdzad pa'i lam 'bras kyi 'khrid/ dzam lha 'brug gzhon ma'i rjes gnang sgrub skor/ jo bo a ti sha lugs kyi rta mgrin gshog pa can dang shwa na bzhi skor gyi rjes gnang / bsam gtan gling pa'i a ti/ rnam sras kyi be'u bum/ bu ston rin po ches mdzad pa'i las chog gi lung sogs gsung chos mang du nos rten 'brel gyi khyad nas 'phrang 'go gter ston gyi tshe rta phul zhing byad rbod kyi thugs rtog dang bcas sku ha cang bde ba mi 'dug pas byad 'grol zhus/ dgun grang ring gong dkar chos sder sku mtshams la phebs pa'i gsol chas phul/ sku mtshams ma tshugs gong du slob dpon rnam mkhyen grong pa sogs chos sde'i grwa slob kha shas dang gnas gsar 'jam dbyangs bstan 'dzin