[A:94]tshur zhu du ma mdzad/ sngar e waM chos ldan du nyes med phun tshogs zin na'ang chos rje thams cad mkhyen pa nas brgyud pa'i ri bong cal sgrog gis smig rgyus bslad pa sel phyir gong dkar du mtshungs med dge ba'i dbang por tshar gcig gsan mod lha khang chen mo'i mkhan por kun mkhyen klu sgrub rgya mtsho nas brgyud pa zhig yod 'dug par brten dge bsnyen nas bzung bsnyen rdzogs kyi bar bsgrub pa gnang / chu glang zha lur phebs te ring zhig nas dbus su chibs kha bskyod tshong dpon bsod nams mgon po la skor gcig gong dkar du phebs pa 'gab tshul gyi yi ge phul ba dkyil du 'byor pa'i dbyar thog chos sder bzhugs/ zhag shas nas sku bad sogs bsnyun ro sna tshogs langs pa'i 'phrod bsten gyi skabs mchod dpon ngag dbang shes rab rgan gra'i chu tshan la phyin pa'i lam zhor phyag 'bul la yongs skabs phebs bzhed yod tshul gyi gsung gleng mdzad 'dug pa ltar 'gyangs med yar phebs pa lcags zam du zhabs 'bam langs 'phrod bsten du drung 'tsho ba sum dga' btang ba sku la 'phrod ngo che bar byung / de bar lcags zam rje drung la ljags lung mang du stsal zhing phar yang padma bka' thang dang grub thob chen po'i rnam thar sogs gsan/ hor zla bcu pa'i tshes bcu la khyab bdag zha lu pa chen po chu bo ri nas phebs/ zhag shas rdzong du bzhugs gser gyi khu bas bris pa'i 'phags pa brgyad stong pa'i glegs bam lo sngon ma tsho phyag mdzod bsod nams rin chen gyis do dam byas gsar du bzhengs pa nged la ster ba gnang dge ba bsngo ba'i smon lam rtsoms shig ces bka' stsal ba'ang bris/ nyang gi drag dmar rdo rje spyi blugs/