[A:230]don rig /dam tshig mchog srung man ngag du mas brgyan/ /snying rjes rgyud brlan bstan bcos du shes/ /de yi zhabs bsten gsol ba lan mang gdab/ /de yis gnang nas dkyil 'khor chen po ru/ /zhugs la dbang bzhi po rnams rdzogs par blang / /byin rlabs phra mo tsam gyis ma yin te/ /zhes dang / tshar chen rdo rje 'chang gis/ nyams len gdams pa'i gtso bo ni/ /rgyal yum bdag med mkha' 'gro mar/ /paN grub dbang po bi rU pas/ /nos pa nas bzung da lta'i bar/ /rtsa ba'i bla ma yan chad du/ /dbang bzhi'i chu bo ma nub pa/ /bla ma'i gsung ngag bdud rtsi'i rgyun/ /tshad ma bzhi ldan dbang bzhi'i lam/ /rdo rje theg pa'i snying po yin/ /zhes bdag med mkha' 'gro'i gtso mos 'jigs bral dpal ldan chos skyong la gdams pa nas bzung dbang bzhi'i chu bo ma nub cing / snyan brgyud mkha' 'gro'i zhal drod ma yal ba/ 'jam dpal rdo rje'i gdung brgyud rim par chig brgyud du byon zhing / sems dpa' chen pos bdag chen rdo rje 'chang la gdams pa/ kha'u brag rdzong pa rjes 'brang dang bcas pa las thun mong gdul bya'i mig dang rna ba'i lam du ma grag pa gsung ngag rin po che lam 'bras bu dang bcas pa gsang chen slob bshad kyi smin byed kyi dbang / grol byed kyi lam/ rgyab rten lung byin rlabs dang bcas pa gegs med du stsal ba ni/ kun mkhyen mkhyen brtses/ 'khor 'das chos kun gsal bar byed pa'i lam/ /pha rgod bla ma'i gsung gi nyin mor byed/ /yid ches 'od zer 'bum ldan 'di shar tshe/ /gnyis snang mun pa'i smag rum ga shed song / /zhes