[A:231]gsungs pa ltar/ rgyun nub pa med pa'i rten 'brel gyi 'phel rgyas su gyur pa ni ma hA kA la gur zhal dang / 'dod khams gtso mo rab brtan ma/ dam can pu tra chen po rnams kyis phrin las g.yel med du sgrub par mngon/ mkhan chen rdo rje 'chang sku khams cung zad ltem pa'i tshul bstan par/ nged rang gi rmi lam du bla ma paN zhwa gyon pa mang po rta thog nas 'byor ba dang / sog po rgya zog gi khal du ma ded nas 'ong ba sogs 'tshub 'gyur che tsam byung bar/ phyi nyin gong sa chen po nas nged rang la bka' sam bka' drin bskyangs par/ mkhan rin po che'i sku rim du rnam 'joms kyi khrus rgyas pa zhig gi mjug tu sku glud 'di bzhin la rdzong gzabs pa dang bcas dan bag phyogs su thong pheb cing / nged rang gi rmi lam du byung ba de rnams phyag bris su stsal byung ba dang / tshe dbang brgya rtsa phul/ bslab ston pheb pa ltar zhus pas sku ltem pa dwangs pa'i tshul gnang / nged rang gis khong dpon slob gnyis kyi nyan du'ang phul te/ gong sa chen por tshar chen nas mkhan chen rdo rje 'chang gi bar gyi slob bshad bla ma brgyud pa'i rnam thar sngar med pa rnams gsung rtsom bka' drin skyong dgos tshul zhus pas/ tshar chen rdo rje 'chang gis gtsos pa'i rnam thar rnams ngo mtshar ba bka' drin bskyangs/ skabs shig pho brang du mjal khar phyin skabs gong sa skyabs mgon chen po spyan cung zad mi gsal ba'i tshul bka' drin bskyangs 'dug pas/ khams sog bod pa sogs mjal kha ba mang bas sku grib lta bus spyan la gnod pa byung dogs blos ma bzod par lho mos su 'byor 'phral mkhan chen