[A:233]pa dang / phran bus chos 'di'i 'chad nyan la cung zad phan pa la dgongs sam snyam mo/ /gsang chen sprin gyi rnga gsang sgrogs pa'i gnas/ /dbus 'gyur 'dzin ma'i sman ljongs lho mos su/ /khyab bdag rdo rje sems dngos bla ma rje/ /nges don zab mo'i chos kyi 'khor lo bskor/ /mdzes mdzes tshig skam bsgrigs pa'i bshad yams tsam/ /'grigs 'grigs rna bar sgrogs pa ma yin pa'i/ /zab zab lam gyi mthar thug slob bshad chos/ /snyan snyan gsung gis 'doms tshe skal ba bzang / /a ho bskal par bsod nams bsags pa'i 'bras/ /'bras bu tshe 'dir legs smin zab chos thob/ /thob tsam ma yin nges shes snying nas skyes/ /skyes tshe gnyis 'dzin snang ba ga shed song / /de tshe pha rgod rdo rje 'chang chen des/ /gsang chen bstan 'di'i bdag tu khyed 'os zhes/ /snyan brgyud gdams pa'i gnad 'gag ma lus dang / /phyag dpe stsal te chos 'di'i bstan pa gtad/ /chas gzhung nas bka' drin bskyangs te chos skyong so sor dpon slob rnams kyis gtang rag rgyas pa re phul/ chos re'i ring dpon slob so sor gsol phog thab shing gi mtha' brten pa bka' drin che skyong gi bdag rkyen gnang / pho brang du gong sa chen po'i phyag dbang la phyin/ bka' 'dri rgyas par gnang / thugs shin tu dgyes shing gnang sbyin kyang stsal to/ /e ma gsang chen mthar thug zab mo'i chos/ /tshe gcig bcu gsum sar snyegs nye lam 'di/ /kha ba'i ljongs 'dir sa skya'i 'jam mgon dang / /mkhas grub bye ba'i gtsug rgyan kha'u pa/ /blo gsal rgya mtsho rnams kyis ches cher rgyas/ /de lta mod kyi gdul