[A:232]rdo rje 'chang la tshang mar phyag dbang bka' drin bskyangs pa mi 'gab tshul snyan 'bul zhus na ji ltar 'ong zhus par/ de kha shin tu legs pa 'ong 'dug pas nged rang dpon slob lhan du zhu pheb pa bzhin zhu sam phul bas/ ngo ma drag gras tshor phyag dbang dang / mang mar phyag nas bka' drin bskyangs song / nged grogs mched gsum gyis gong sa chen por zhabs brtan gsung rtsom bka' drin bskyang dgos tshul zhus par/ sgrol dkar gyi cho ga la brten pa'i zhabs brtan gyi gsung rtsom gnang ba'i thog nas/ nged dpon slob so so nas nyin rer 'chi bslu bcas zhabs brtan gyi zhabs thog /dngos po'i 'bul ba sogs rgyas par phul/ mkhan chen rdo rje 'chang gis sku zhabs dang / dbon rin po che nas nged la byi bar glang po che dang / phyug por rnam thos kyi bu'i dpe ltar rten 'byung rgyas pa re bka' drin bskyangs/ nged kyis zur chos su sgrub thabs rgya mtsho/ sgrol dkar/ gnas brtan bcu drug /bka' gdams lha bzhi rnams kyi rjes gnang lung bcas dang / mi 'khrugs pa dang bcu gcig zhal gyi dbang / mgon po'i rjes gnang lung bcas sogs dbang rjes gnang mang ba zhig phul/ chos ra grol 'phral slob bshad kyi phyag dpe rnams nyid chos kyi bdag po yin pas bshad sgrub 'phel bar mdzod gsung gnang ste/ bla mas slob bshad kyi bdag por rten 'brel sgrig par mdzad pa ni/ dbon rin po che chos 'di'i bdag por de lta bu bzhugs bzhin du bdag la bsngags brjod dang ched du gdams par mdzad pa ni dbon rin po che ring por mi bzhugs pa thugs mkhyen gyis chod