[A:248]rgyas par stsal zhing thugs shin tu mnyes par gyur te chibs kha bsgyur bar pheb skyel sogs gang legs zhus/ sde dge dbon po kun dga' rab brtan sogs khams 'grul pa mang tsam 'byor/ khams zog gi rigs ster sbyin dpangs shin tu mtho bar byung / lugs gnyis kyis mgu bar byas te 'jam mgon bla ma'i gdan sa dpal ldan sa skya dang / ngor e waM chos ldan sogs gtsang mjal du rdzong bda' byas/ chos sde chen por chos dang / dus mchod kyi rim pa/ byang bu zhu ba sogs 'phral dgos rnams dang / dgon lag so sor 'gro ba sogs sngar rgyun ltar byas zhing / pho brang chen por gong sa yas phyin gyi mjal khar phyin par zhag shas nas mjal kha shin tu legs pa bka' drin bskyangs/ 'di skabs gong sa skyabs mgon chen po rgyal du chibs kha bsgyur grabs kyis bzhugs sgar gyi chas thugs grabs bka' drin bskyangs 'dug pas/ blo ma bde bar bzhugs gral grol skabs ngos kyi sku mdun du phyin te rgyal tu chibs kha bsgyur tshul zhig thos byung bas/ pha gi lung pa dang chu bsil ba zhig yod 'dug pas sangs rgyas kyi sku la bsnyun pa ga la mnga' na'ang / sems can rnams kyi ngor sku la gsol chab sogs mi 'phrod pa'i tshul bstan dogs pas bstan 'gro'i don du pho brang 'di gar bzhugs gdan 'jags pa gnang dgos tshul phyag dang bcas gsol ba nan gyis btab pas/ spyan nam mkha' la gzigs te dal cig bzhugs/ de nas nged la gzigs te snga sor rgya nag nas 'khor skabs mchod yon dang lhan du phyin/ de nas bying bas 'gro ma thub cing gtor spod sogs gang ci'i khyad nas 'gro dgos nges yin kyang / chos rje nan ches pas zhag gsum nas gsal byed bka' drin bskyangs/ zhag gsum