[A:249]nas thon phyag zhus pas/ mchod dpon lags brgyud pheb len la chos rje rang gi gsol ba btab pa'i ngor pho brang rang du bzhugs gdan 'jags rtsis yin pheb byung bas sa dang po thob pa ltar gyur// ! lcags bya lo steng du song bas tshe sgrub rgyas tsam dang / spar sme sogs kyi rim gro byas skabs khyu 'bum dang nyag re nas 'bul skyel ba sogs khams 'grul kha shas 'byor/ ja/ rta/ mdzo/ g.yag sogs 'bul dpon bla ma'i yi ge dang ngag bkod ltar gnyer pa a nu rgyal dang kun dga' dar rgyas kyis rtsis legs par sprad/ 'di skabs gong ma khu dbon gyi phyag mdzod du rnam sras kyi sgrub pa gnang nas rgyang tsam song ba dang / rnam sras kyi sgrub pa zhig byas na legs pa 'ong 'dra bsam/ rten dang gtor ma dgos 'dod 'byung ba nas bshad pa ltar phyi nang gsang ba'i rten dang 'khor lo sogs sgrub pa'i rdzas rnams ma tshang ba med pa/ spyan gzigs sogs mthong bas yid 'gul ba bshams te/ nged rang / ma yum sku skye/ bla ma/ dge slong / mchod g.yog bcas kyis rgyal phur gyi 'grub sbyor mdzoms par dbu btsugs te phyag rdor gos sngon can gyi bsnyen pa byas/ de nas dge slong brgyad kyis dgos 'dod 'byung ba nas bshad pa'i tshogs sgrub zla ba gcig gi ring byas par phyag rdor dang rnam sras kyi sku brnyan rnams nam mkhar 'phar ba dang / spyan gzigs kyi mtshon cha bar snang du khyer nas rgyang tsam nas rang gnas su skyel ba/ sil snyan rang khrol dang / rnga brdung ba/ dung 'bud pa sogs chos skyong 'khor bcas thugs 'khul ba'i tshul dang / gzi brjid kyis khengs par gyur/ gser/ dngul/ lung thang / ja/ 'bru sogs bar snang nas dngos