[A:251]grib ma bzhin du 'grogs par shog /phyi rol mi mthun gnod pa kun zhi zhing / /nang du 'dod rgu'i dpal 'byor phun tshogs rgyas/ /gsang ba lung rtogs yon tan yar ngo yi/ /zla shel lta bur rgyas pa'i bkra shis shog /dge'o/ /zhes pa 'di rnam thos bus dngos su stsal zhing / 'di rnams kyi ya mtshan ni rin chen mang sprul dang dngos su mjal ba lta bur byung bas gzhan gyi blor mi shong bas bzhad gad kyi rgyur 'dug kyang sgro btags kyi tshig min pas shes ldan yid ches kyi zlos gar bsgyur 'tshal lo/ /rgyal ba'i bstan srung chos skyong rnam thos bu/ /'khrul med brgyud pa'i gzhung bzhin legs bsgrubs pas/ /dngos grub 'dod rgu 'bad med 'byung ba'i brdar/ /ya mtshan rmad byung rtags mtshan mngon du gyur/ /spyan gzigs bar snang khyed dang rang gnas skyel/ /sil snyan rnga sogs rang khrol dung 'bud pa/ /gser dngul ja 'bru dngos grub tshul gyis ster/ /yab yum rta bdag bcas pas phrin yig stsal/ /gnas khang gzi brjid nyi ma'i dkyil 'khor bzhin/ /'bar ba'i brjid chags ldan pa'i snang brnyan la/ /'gro ba lha mis blta bar mi bzod 'di/ /ngal bsos rgyal po mngon sum byon nam snyam/ /e ma 'di 'dra'i ngo mtshar dbyar gyi rnga/ /thos pas blo gsal gtsug phud ldan pa rnams/ /ngo mtshar dga' ba'i sgro gshog zlum por byon/ /spro ba'i zlos gar bsgyur te gar byos shig /ji ltar lung bstan pa rnams phyis thog tu khel bar byung zhing ya mtshan che bar bsam/ sgrub pa grub nas gtor ma phyag mdzod du spyan drangs pa'i nyin nyi ma gdugs 'jam zhing 'ja' 'od kyis khengs byung bar skad cig gis 'char