[A:250]grub kyi tshul du yi ge dang bcas mchod bsham khar 'phang ba/ rigs brgyud dang / bla brang / dgon gnas/ mchod gzhis dang bcas pa 'phel zhing dar rgyas dgos tshul gyi yi ge gtor ma'i mdun du bzhag pa re zhig nas mi snang bar gyur par/ phyi nyin rigs brgyud 'byung ba dang / rim gro sogs spang blang byed dgos lugs thabs dang rten 'brel/ dar rgyas sogs 'ong ba'i lung bstan gyi yi ge gsal ba byung zhing / yang gnod sbyin rgyal po 'khor bcas kyi yi ge so sor 'dug par rta brgyad rnams so so'i ming gi kha yig dang rnam thos kyi zhes pa'i kha yig 'dug pa'i nang du 'di bzhin 'dug go/ ! khyab bdag rdo rje 'dzin dang gsang ba'i bdag /'gro bzang snying po zangs mkhar lo tsA ba/ /khro lo chen po bu ston yab sras sogs/ /mchog stsol rtsa brgyud bla ma'i zhabs la 'dud/ /dbang sngon ri bo'i spo la mtshams sprin gyi/ /cod pan g.yo 'dra'i 'jigs rung khyod kyi sku/ /ha ha'i gad rgyangs 'brug stong dgod pa yi/ /gsang bdag rdo rje 'dzin la phyag 'tshal lo/ /gangs ri ltar dkar seng chen 'gying ba'i steng / /btso ma'i gser zhun ltar brjid nor sbyin dbang / /rgyal mtshan ne'u les nor bu'i gru char 'bebs/ /bstan srung ngal bsos dbang por phyag 'tshal lo/ /de las phun tshogs dge ba gang thob pa/ /blo gros khang bzang snyan brgyud nor gyis gtibs/ /rgyal mtshan 'phyar ba'i gzi brjid khams gsum 'gengs/ /dpal 'byor bzang pos dbul phongs zhi bar shog /skyabs mchog rin chen gsum gyi bden pa dang / /rgyal chen chos skyong srung ma'i mthu stobs dang / /chos dbyings rnam dag bden pa'i byin rlabs kyis/ /lus dang