[A:255]sogs rgyas par phul zhing / gang cir bkod pas khyab dgos pa'i rgyu mtshan zhus/ g.yog rigs yon bdag tshang ma'i brdzong ba'i ster cha dang / ja 'dren sogs dbyar gyi mtsho ltar chal chil du gyur/ rim gyis bsam 'grub rim khar nas bskyod de lha khang du zhag gcig bsdad par/ dge slong rnams dang / grwa rigs/ yon bdag tshang mas dad gus kyi ster cha mang du byung zhing / tshang ma'i 'dod sbyar gyi rab byung skra phud/ bsnyen gnas/ tshe dbang / bka' bsgo/ bsngo smon gyi rgyas 'debs kyi so sor thugs dam bskang / mang ja dang / grwa ja/ bsngo rten rnam gzhag sogs rgyas par phul/ chos skyong chen po'ang skyel ma'i tshul du sku pheb/ kha btags che ba'i ster byin bcas pa bstan 'gro'i don du gdan sa 'og tu phyin par legs tshogs kyi lung bstan mang du stsal/ snyan dar sogs gzabs rgyas phul zhing gzhis byes kyi phrin bcol byas/ de nas rim gyis bskyod de dang la khar mdzod pa dang / tsha ba bla ma bstan 'dzin grags pa/ dpal gnas nas tsha bo dpon g.yog rnams kyis bskyal/ gang cir cag thon dgos tshul bkod pa dang bka' bsgo rgyas par byas te khong rnams phyir log /rim gyis stod lung brgyud yangs pa can du 'byor/ gnas mjal rgyas par zhus shing mang skol gyi thog bsngo rten yang phul/ nged la'ang sne len dang ster sbyin mdzad/ lam thog tu sde rnams kyis bsnyen bkur bzang ba byung zhing / 'u yug phu'i chu tshan du khri chen chibs kha bsgyur 'dug pa phyag dbang zhu bar phyin/ drung 'khor rnams kyis mjal dar bcas bsu bar byung / rta sogs kyi phyag rten rgyas par phul/ sne len gzabs rgyas gnang