[A:256]sgo ba la dang thob rgyal brgyud mtshal du bsdad par/ nub mo rmi lam du yul ljongs skyid po zhig na shing sdong chen po phal cher bskams pa zhig gi 'dabs na kye rdor dang / 'khor lo sdom pa yab yum sogs yi dam gyi lha 'ga' re bzhugs 'dug pa ni sangs rgyas kyi gdung dri ma med pa bzhugs pa'i ltas su go /'on kyang shing skam ni bstan pa cung zhig nyams dma' bar lta bar 'dra/ phyi nyin gdan sa chen po rtse gdong du bcar skabs/ phyag mdzod/ mchod dpon/ mgron gnyer sogs mang ba zhig rta bsur gnang / gzims khang thog nas bsang dang / nang zan rnams kyis bsu ba dang bcas bla brang ser mor bsdad/ phyi nyin 'jam dbyangs sku mched kyi mjal khar phyin/ gzims chung gi sgo nang du bsu bar pheb/ mjal dar dang phyag 'bul gnang byung bar nged kyis kyang mjal dar phyag 'bul sogs zhus shing / gos dar/ bzhugs gdan/ ja/ khrab/ rta/ mdzo sogs mang ba zhig gi 'bul ba gzabs rgyas dang / rgyal yum la'ang rta bzang bas gtsos tshan grangs rgyas par phul/ gzhis len kyang rgyas par gnang / 'phel rgyas su bdag chen rin po che'i mjal khar phyin/ khri thog nas bzhengs pa dang gdan bzos bcas shin tu che ba dang / gzhis len gzabs pa gnang / nged kyis kyang rta legs pa sogs phyag rten rgyas par phul/ phyi nyin rten 'brel gyi stabs sras yum lhan du grub thob tshe dbang phul/ lhun po rtse nas 'bod mi gnang bas mjal khar phyin par phyag mdzod kyis gtsos drung 'khor rnams bsu bar byung / sku zhabs su gdan bzos mtho ba dang bcas ston mo rgyas par gnang / zhwa lur pha bla ma de nyid kyi mchod 'bul du ja/ mdzo/ gos dar sogs 'bul mi rdzong bda' byas/