[A:284]lhar song bas brtse ba'i tshul gyis byon par bar chad byung dogs lha mo nyid pheb par sems/ 'di dus rmi lam du gong sa skyabs mgon chen po nyid dang mjal bar/ zhabs phyi ban gzugs shig gis gser gyi rdo rje rtse lnga pa 'od 'phro ba zhig sprad de/ 'di khyod la gnang ba yin 'dug zer zhing / sangs rgyas kun dngos dpal ldan bla ma nyid dgyes pa'i tshul gyis bslab ston mang po gnang ba zhig gsal bar dmigs/ me phra shin tu legs pa dang bcas rgyud sde nas ji ltar gsungs pa bzhin sbyin sreg mtshan nyid dang ldan pa legs par grub nas/ rdzong bzhugs kyi sku rim du sger nas dgos cha gnang ste/ sbyin sreg kyang thugs bzhed ltar bsgrubs/ de zhor spras nang gi yon bdag rnams kyi byang bu/ tshe dbang / dbang / rjes gnang / bsngo smon dgos pa rnams kyang 'dod sbyar chos 'brel dang / 'khor gsum yongs dag gi dmigs med bsngo smon gyi rgyas 'debs sogs byas nas/ sbyin sreg grub par gnang sbyin sogs rgyas par bka' drin bskyangs ngos rang gi bsti gnas su 'khor 'phral/ pho brang chen por mjal khar zhu bar phyin skabs/ sa dbang chen po'i sku zhabs su sbyin sreg me pra sogs legs tshul snyan 'bul ngos kyis zhib par zhus/ zur gsos dang gnang sbyin rgyas par stsal te phyir 'ong / skabs shig rmi lam du nub byang mtshams kyi nam mkha' 'ja' sprin gyis khebs pa'i gseb nas rta pa shin tu mang ba chas sogs rgyas pa dang / gtso bo de 'khor los sgyur ba'i rgyal po'i chas mig gis mthong ba'i tshe yid 'gul nus pa zhig 'dug pa rim gyis bar snang nas shar phyogs nam mkha' bskor te lho phyogs su pheb dus gtso bo de rdzogs pa'i sangs rgyas dang /