[A:285] 'khor rnams gnas brtan bcu drug sogs dgra bcom pa/ yon bdag rgyal po ha shang yang gzi brjid che la bag dro ba/ rta spu log la chibs pa/ gzhan yang mchod pa'i lha pho mo rnams kyis rgyal srid sna bdun/ bkra shis rtags brgyad sogs mchod rdzas du ma thogs pas bar snang khengs ba mthong / dad mos kyi snang ba byung tshe sems spros bral gyi ngang du re zhig lus/ ji zhig nas gnyid sad/ ci yin/ ngo mtshar ni che snyam pa byung / phyis su bsams na rigs brgya'i khyab bdag khams gsum chos kyi rgyal po lnga pa chen po nyid bstan 'gro rnams la phan bde stsol phyir sku drug par 'pho tshul ston slad/ lho mon mtshams su mnyam med o rgyan chen po'i sgrub gnas su che ba'i yon tan bsam gyis mi khyab pa dang ldan pa o rgyan gling pa'i gdung du sprul pa'i zlos gar bsgyur te 'dzam gling sa'i lte ba pho brang chen po ri bo gru 'dzin du pheb ste 'gro ba rnams rdzogs ldan gyi bde ba la 'god pa'i brdar go /mjal khar phyin skabs e ma chi lags kyis sku bgres shing bsnyun gzhi yang ro mar song bas gnyen drung gi tsha chur phyin pa 'gab tshul sbang blang gi bslab ston gnang ba bzhin nged dpon slob bzhi bcu skor gyis phyin pas sprags kyi mdor rta thog tu gnyid ze re ba zhig la 'brog pa dang 'brog mo rgyan ldan gnyis kyi rkyal pa gnyis khur 'dug pa phyag dbang zhu ba'i tshe rkyal pa kha bshig pa nor bus gang 'dug pa byin byung ba ni lha chen yab yum gyi dngos grub kyis bsu bar go /bod sog gi ru ba rnams kyis bsnyen bkur rgyas par byung / dbang dang / byang bu/ bsngo smon/ ma Ni'i lung / sngags mdud/ byin rten/ ster sbyin sogs kyis tshim par byas/ cho hor nas 'bul sdud