[A:287]mchod pas mchod/ /de tshe lha chen yab yum dgyes pa'i brdar/ /nam mkha' dwangs shing mtsho rlabs gur ltar phub/ /rgyus med log pa'i lam la chas pa'i tshe/ /mngon sum ma nor lan ston ngo mtshar rmad/ /rim gyis byang phyogs yangs pa'i yul du phyin/ /dad stobs 'byor ldan rnams kyis bkur stis mchod/ /rta nor mar sogs dngos po'i longs spyod 'dis/ /ngal bsos rgyal po'i khengs pa phrogs kyis dogs/ /de nas dred chu brgal te phyin/ /gser mtsho'i 'gram nas rim gyis gnam ru ba dang / bya rigs rnams kyi so sor bos nas bsnyen bkur byung / dbang dang bsngo smon gyi rgyas 'debs sogs 'dod sbyar byas/ san chung nas 'bul dpon bla ma bsam 'phel gyis mgyogs bskul gyi bsu mi 'byor/ rim gyis san chen du sman ral pa'i ru bar 'byor/ ston mo ster cha gzabs par byas/ de skor gyi yon bdag tshang mar dbang dang / byang bu/ bsngo smon sogs la tshogs te ci nus kyi dngos po dpangs mtho bar byung / lugs gnyis kyis so so'i re ba bskangs/ 'bul dpon gyi sgar nas rta bsu ba mang tsam byung / sgar thog tu 'byor nas ston mo sogs legs shing / cho hor gyi sde rnams tshogs par tshe dbang / phyag rdor/ ri khrod lo ma gyon ma sogs kyi rjes gnang / bsnyen gnas dang ma Ni'i lung / byang bu bsngo smon sogs kyis blo'i re ba bskangs/ 'bul dpon dang yon bdag sbra chen gyis rta nor drug cu skor byin/ tshe dbang lcags sdong ma/ rjes gnang kha shas dang / byang bu/ bsngo smon/ byin rten gyis tshim par byas/ de nas bar rings kyi sder slebs/ tshang mas rta nor gyis