[A:286]bla ma bsam 'phel dang / bum rdza dang nye ba nas bla ma sku skye rin po ches 'bod mi 'byor ba nas gnam mtshor bskor ba zhig kyang sngar sor phyin dus ma grub pas la rgan brgyud phyin skabs/ rda ro kha zhig gis bos/ ston mo dang ster sbyin bzang bar byas par bsngo smon dang / sbra/ nor lug sogs la shis brjod kyi me tog gtor skabs zim bu'i char gyis bsu ba byung / bsang mchod rgyas par phul te/ phyin pas nam mkha' g.ya' dag cing me tog gi char dang / mtsho zhal shin tu dwangs pa'i chu'i gnyer ma rnams 'ja' tshon kha dog sna lnga bkra bar rgyug pa dang / 'khyil nas mtsho dkyil du rlabs gur tsam g.yo ba sogs lha chen zur phud lnga pa dang / yum rdo rje phyug mo mnyes pa'i rnam 'gyur bstan par go zhing / mtsho rdzas dkar yol/ gser dngul sogs rin po che'i rigs/ gos dar dang / 'bru sna/ stag ras/ gzig ras sogs rgyas par phul ba na mtsho steng du thag ring bar ma bying bar song ste/ de nas mtsho nang du bzhes/ bsang dang phrin bcol rgyas par zhus te phyin/ thang lha'i sku mdun du dkon mchog spyi 'dus kyi tshogs 'khor dang / bsang mchod/ gsol kha rgyas par phul/ sku mdun mthong sa zhig tu gsol kha 'bul par mchod dpon dge 'dun g.yog bcas btang / rim gyis ngam chu brgal te phyin pas 'dam sogs lam log zhig tu 'gro grabs byas pas/ ga nas 'ong cha med pa'i mi zhig byung ste lam bstan pa ni gnyen gyi rgyal pos bstan pa yin 'dra bsam mo/ /bod skyong lha chen rdo rje 'bar ba rtsal/ /yum mchog rdo rje phyug mo dang bcas pa'i/ /bla mtsho gnam sngon zhun mar 'khyil 'dra la/ /mchod rdzas dngos 'byor yid sprul