[A:290] sngags mdud/ byin rten/ ster cha sogs lugs gnyis kyis bzhed pa bskangs/ lam du zhugs nas na dmar chung bar 'byor/ dge slong bsam 'grub rgya mtsho sogs o thog shog drug gi ru ba phar cher 'phrad par 'byor/ zhag gnyis sdod ring so so'i blo dang 'tshams pa'i tshe dbang grub rgyal ma/ gzungs grwa lnga/ bka' gdams lha bzhi/ rta mgrin lcags ral can rnams kyi rjes gnang dang / byang bu/ rus tshwa/ skra phud/ bsnyen gnas kyi lung / dge rtsa chos dbyings su bsngo ba sogs byas shing / tshang ma dad gus kyi gdung shugs kyis smon lam dang gsol 'debs kyi sgra 'ur dir sgrog cing / phyag dang bskor bas lam byang bar gyur/ mar thud sogs kyi ston mo dbyar mtsho ltar chal chil du gyur cing / rta bzhi bcu skor dang / mdzo/ mdzo mo/ 'bri/ g.yag sogs nyis brgya skor byin/ mdud pa/ byin rten sogs kyi ster cha blo dang mtshams par byas/ de nas rim gyis phyin/ mtsho skya'i 'gram du bsdad skabs/ bla brang bla mas gtsos che chen dbon po'i sde rnams 'phrad par 'byor zhing so sos ster cha gzabs par byas/ 'dod sbyar gyi dbang dang / byang bu/ bsngo smon sogs gang rgyas/ byin rten/ ster sbyin sogs legs par byas/ gsol 'debs dang smon lam byed bzhin pa'i ngang nas rim gyis bskyod de se ter 'byor/ sbyar kho che'i sde dang / 'brong pa rnams kyis ston mo dang / rta nor sum cu skor byin/ dbang / byang bu/ rus tshwa/ bsngo smon rnams gang legs dang / byin rten/ ster sbyin 'tshams par byas/ la rgan brgyud 'ong skabs 'dam nas da rgan chos rje'i grwa rigs rnams kyis 'ong dgos tshul byung bas dred kyi mdor 'byor/ zhag bzhi bsdad/ dge lugs kyi grwa rigs dang /