[A:291] yon bdag pho mo rnams la kun rig gi dbang nyin gnyis kyi ring mang ba zhig byas/ grwa pa rnams kyis ston mo'i thog grwa pa rer 'bri re phul song zhing / yon bdag rnams kyis bsnyen bkur dang / rta nor gyi ster cha mang du byung / tshe dbang dang rta mgrin sogs kyi rjes gnang / byang bu/ bsnyen gnas/ skyabs sdom/ bsngo smon sogs 'dod chos dang / byin rten rgyas par byas/ de nas bskyod de gnyan drung du 'byor/ dri za'i rgyal por gsol mchod rgyas par phul/ de skor ru ba rnams kyis bsnyen bkur yang dag byung bar dge rtsa byang chub tu bsngo ba dang ster sbyin sogs gang la gang 'tshams par byas/ rim gyis sprags su 'byor/ 'brog pa rnams kyis rnyed bkur legs shing / zhang lhar song bas sbrags btsan gyi mkhar la gsol kha phul/ pho rog la nas dar yul du slebs/ dgon lag sgom khang du nged rang gi chos mdzad ma ngag dbang bzang mo 'phrad par phyin/ zhag gsum bsdad/ skyes ma rgyas par phul zhing / mkhas grub dam pa nyan po chos rje bsod nams bstan 'dzin rgyal po bsu bar pheb par rta legs zhig kyang skyes su phul/ sgom khang du mang ja dang / spyi sar 'bri zhig byin/ rim gyis thams cad mkhyen pa rong ston chen po'i gdan sa dpal rgyun gyi dbang por 'ong skabs bkra shis gling du bla khag las tshan dang bcas pas thab bsu dang / dgon gnas nas bla brang / khams tshan so sos lha bsang dang / dar 'phyar/ dung 'bud/ rgya gling sogs mchod rdzas du ma dang bcas dge 'dun rnams kyis ser phreng gi mdun brdar de gsang chen dbyar rnga sgrogs pa'i bsti gnas bla brang lcang lo can du slebs/ de 'phral ser ja zhus/ phyi nyin mang ja sbyor sbrel thog bla khag rnams la rta res