[A:292]gtsos tshan grangs dang / tshogs su zhon rtas gtsos nor gyi spyi 'bul gzabs par phul/ thag nye'i yon bdag 'phrad par byung ba rnams la babs 'brel dang bstun pa'i skyes ma byin/ gzhis su 'ong dgos tshul byung ba bzhin phyin/ skyes ma gzabs pa dang / g.yog rnams la ster sbyin byas/ rgyun gyi dbang po'i chos grwa 'byor nas pho brang chen por mjal khar bcar te rta nor gyis gtsos 'bul ba dpangs mtho bar phul/ ston mo rgyas par stsal/ mchod dpon lags dang / dge slong rin po che/ em chi lags/ dge slong ngag dbang dkon mchog /gsol dpon sngags rams pa lags/ drung yig lags/ gzims dpon lags/ mgron gnyer lags sogs la rta/ mdzo mo sogs kyi skyes ma gzabs par phul/ so so nas shin tu dgyes shing gang ci'i bslab ston gsol ja sogs gnang / dge slong rin po cher gsang sgrub zhal bzhi pa'i rjes gnang zhig phul/ sa dbang chen por thon phyag zhus nas shin tu dgyes pa'i dri ba dang gnang sbyin stsal te bsti gnas su 'byor/ dgon khag gi grwa rigs yon bdag rnams 'phrad par byung bas skyes kyi ster sbyin byas/ sgom khang nas sring mo grib skyon byung bas 'bod mi byung 'phral du phyin pas khams ma 'tsho 'dug par 'pho ba dang / zhag gsum ring nged rang nas kun rig gi cho ga /lho sgo dang dbang bskur sogs byas shing / dgung zhag pa bcu skor gyis cho ga dang / gtor ma sogs byas/ zhag gsum dang / dngos gzhi'i nyin tshogs chen dang / bdun tshigs rnams su dar yul rang gi dgon khag rnams bsdus nas so so'i cho ga dang / sa skyar rta legs pa gcig bcas byang zhus/ gzhan ma bla khag che ba rnams su byang zhus dang / chung ba rnams su