[A:296]gzabs rgyas dang / tshogs par kyang 'gyed gya nom par mdzad cing / de dag zab pa chos kyi dbyings dang / rgya che ba sems can gyi don du rgyas 'debs yang dag par byas/ 'grul pa gzhan rnams kyis kyang / ja/ rta phyug sogs che 'byor chung 'byor gyi 'bul ba mang bar byung ba'ang bsngo smon gyi rgyas btab/ dgun tsha ba bla ma bkra shis tshe ring dang / spyi chen 'bul sdud bla ma dbu mdzad bcas 'byor/ tshogs su stong chog mdzad pa'i gral dbur phyin/ rta/ dri'u/ ja/ mdzo phyugs sogs mang bar byung zhing / byang bu dang dge ba rdzogs byang du bsngos/ dus chen khag rnams grub 'phral dbon rin po che dang / mtshungs med chos rje rin po che/ gling smad zhabs drung / glang thang grwa tshang gi drung chen/ gsang phu mchod khang dpon slob kun dga' dpal bzang sogs gtso bor gyur pa'i 'dus pa'i tshogs la rnal 'byor dbang phyug chen po 'jigs bral dpal ldan chos skyong gi bzhed gzhung gsung ngag rin po che lam 'bras bu dang bcas pa'i gdams pa/ dbang / byin rlabs/ cha lag /rgyab rten gyi lung rnams dang bcas pas smin rgyas byas shing / 'di skabs rgyal bstan spyi dang / bye brag gsang chen slob bshad pa rnams kyi bsod nams las ma grub pa'i bkra shis chos sde nas dbon rin po che dag zhing du gshegs pa'i thugs dam gsal 'debs pa 'byor zhing / tshogs su mchod 'bul zhus/ snang gsum gyi ring dbon gyis kyang tshogs su tshar lugs kyi dkar po rnam gsum/ sgrub thabs brgya rtsa/ sgrol ma nyer gcig /bka' gdams lha bzhi sogs ngag bkod ltar mdzad/ sems bskyed dang / slob ma rjes 'dzin grub nas/