[A:297] lcags rta lor lo gsar dang / tshe sgrub bsnyen pa kha gso byas/ grol 'phral nged rang nas zab mo rdo rje theg pa'i smin byed kyi gtso bo rgyu dbang dang / lam dbang / mkha' spyod ma/ lam zab/ bir srung sogs dang / dbon nas rigs gsum spyi dbang / tshe dpag lha dgu/ mi 'khrugs pa'i dbang sogs mdzad skabs/ gong sa chen po nas bkra shis chos sder dgongs rdzogs kyi tshogs dbu dang zhugs 'bul la 'gro dgos pa'i bka' shog rin po che spyi bor pheb cing khong rang gi thugs bzhed ltar rgyang tsam nas 'ong ba'i khas len zhus/ smin byed kyi dbang dang / byin rlabs rnams grub nas/ lho kha phyogs su dus tshes dang mthun par gnas kyi dbang po nas rta kha bskyod de rim gyis rngog lo yab sras sogs mkhas grub du mas byin gyis rlabs pa'i gnas gsang phu ne'u thog gi chos grar 'byor skabs mchod khang dpon slob kyi dbus gzhis dgon rnams kyis ser phreng / dar 'phyar/ thab bsu sogs gang rgyas mdzad cing / mang ja/ sbyor sbrel/ rnam bzhag /mchod khang dpon slob la tshan grangs kyang phul/ zhag gnyis bsdad/ mchod khang pas gzhis len yang dag byung / phyi nyin sgrol ma rtsod rgyal ma sogs rten rnams zhib par mjal skabs/ jo bo yab sras gsum bar snang du bzhugs pa'i snang ba shin tu gsal ba byung zhing / me tog gi char babs pa der gnas kun gyi mig yul du gyur pas tshang ma yang mtshan pa byed 'dug pa dang / rang yang ngo mtshar snyam pa byung ba ni gnas gzhan dang mi 'dra ba'i byin rlabs su mngon/ dam pa du mas byin rlabs gsang phur slebs/ /dam pa'i sku gsum nam mkha'i dbyings nas mthong / /de tshe sum rtsen lha yis