[A:301] chos rgyal na rim gyis byin gyis brlabs pa'i thub dbang gi sku sogs mjal/ mchod pa snyan dar phul/ zhabs drung zhabs ma brtan gshis bkra shis chos sder dgong slebs byas/ song gdung 'bul du ja rta sogs dgu tshan lnga tsam phul zhing / mchod 'bul yang dag byas/ 'gor ring ri bo bde chen nas dge 'dun kha shas pheb pa gtso bor gyur pa'i don gnyer ba rnams la kye rdor gyi dbang tshan gnyis sogs 'dod chos 'dra phul/ gza' tshes dge bar sku gdung rin po che dgyes mdzad rdo rje'i sgo nas zhugs la phul bas/ nam mkha' dwangs shing 'ja' sprin sogs ltas ngo mtshar bar byung ba ni dam pa de nyid rje btsun kha'u pa'i bstan 'dzin bla na med par song gshis sum rtsen pa rnams kyis mchod pa phul bar mngon/ yum bu bla mkhar dang / stag chen 'bum pa/ khra 'brug sogs mjal bar phyin/ lam du chos kyi rgyal po sa skya paNDi ta la chos kyi rgyal po 'phags pa rin po che 'khrungs pa'i gtam snyan 'bul mi byung dus bzhugs pa'i gtam snyan bzhugs khrir grags pa'i steng du bsdad skabs shing thog ster sbyin byed mi mang tsam byung ba ni rten 'brel legs par sems shing / bzhugs khrir kha btags kyi cod pan shin tu che bar btsugs/ rten rnams zhib par mjal zhing snyan dar mchod pa gang rgyas kyang phul/ khra 'brug tu rgyal ba rigs bzhi rdo la rang byon du byung ba gong po ri nas spyan drangs tshul zer ba dang / nye sras brgyad rdzogs pa'i sangs rgyas 'od srung gi phyag nas ma li yul nas gdan drangs pa/ jo mo sgrol ma sogs rten byin rlabs can du ma mjal/ mchog gi slob dpon chen po nga 'dra mar grags pa o rgyan dngos dang khyad par ma mchis pa rnams