[A:302]zhib par mjal zhing / de dag la byin rlabs kyi gzi byin gzhan las che ba sems rgyud khul nus par 'dug cing / snyan dar mchod pa sogs dngos bshams yid sprul gyi mchod sprin tshar du dngar ba phul/ rgyal bstan spyi dang bye brag gi ring lugs 'phel zhing phan bde 'byung ba'i smon lam yang dag byas/ mchod rten dbu lnga sogs la bskor ba byas shing nyin 'khor byas/ chos sder zhag gnyis bsdad/ 'ong khar thams cad mkhyen pa bsod nams rgyal mtshan gyi sku phyag nas mas gtsos mchod 'bul gyi ster cha dpangs mtho bar stsal/ rim gyis bskyod pas tshes bcu dang sgon thang 'bum/ tsan thang lha khang sogs mjal/ slob dpon chen po padma ka ra'i sgrub gnas shel brag tu phyin/ yar lam mthil gyi rten rnams zhib par mjal zhing mchod pa dang snyan dar phul/ smon lam yang dag btab/ brag phug gi nang du slob dpon chen po'i sku byin rlabs can phyag nas ma'i mdun du gu ru dkon mchog spyi 'dus kyi tshogs mchod rgyas pa dang / snyan shal/ mchod sprin rgya che ba phul zhing / byin rlabs kyis lus sems bde la bag pheb pa zhig byung / rang byon kyang mang bar 'dug /skas las babs dus brag gi logs shig la thugs rje chen po bcu gcig zhal gyi sku rang byon zhig gsar du mthong / de dag la bzhugs pa'i sgrub pa pho mo rnams la 'tsho ba'i 'brel pa'ang rags rim phul/ sne gdong gi rtser 'byor dus bkra shis chos sde'i tshogs chen sku rim du yod pa rnams mjal dar bcas 'phrad par byon zhing / mang ja byin rten sogs gang legs phul/ zhol pa rnams kyi 'phrad mi dang bsngo zhus sogs mang bar byung / so so'i 'dod sbyar byas/