[A:316]par mdzad cing / deng sang dge lugs su song gshis gang ci nas grwa 'grigs pa 'ong pa ni gzhir bcas shing / chos sde 'di snga sor dpyal gyi dgon par song gshis rten mchod byin che ba mang zhing / nang rten paN chen shAkya shrI'i lhung bzed/ mdo le/ dung rang skad ma/ nA ro'i sku rgyan sogs gzhan dang mi 'dra bar 'dug pa rnams mjal kha zhus/ snyan dar dang mchod pa rgyas par phul zhing / phan bde'i smon lam dpyis phyin par btab/ mkhan rin po ches dbus dge 'dun rnams la tshe dbang dang rjes gnang kyang phul/ ma hA kA la stag zhon gyi rten khyad du 'phags par mjal/ snyan dar phul zhing phrin las bcol/ 'byor nub shin tu 'tshubs pa zhig byung kyang rim gyis 'tshubs zhi nas/ rmi lam du 'khri mthon por sdod pa dang / dar 'phyar ba dang / dung 'bud pa sogs byung ba ni phrin las rgyas pa'i brdar go /drag gras kha shas kyis skyel mar byon/ gam la zer ba'i la zhig 'dug pa brgyud phyin skabs rlung 'tshubs sa g.yo ba lta bu'i shin tu che zhing 'jigs zhum me pa dang bcas byung ba ni/ dpal ldan lha mo bsu bar pheb par sems/ sku zhang rin po che dang / mkhan bde bar gshegs pa'i phyag mdzod bcas kyang bsu bar pheb/ zhwa lu'i chos 'khor shar chen du slebs/ gzhis len rgyas par byung zhing skyes ma gzabs par phul/ tshogs su mang ja bsngo rten/ bla khag so sor tshan grangs re/ spyi 'bul rnam gzhag rnams phul/ bla khag rnams dang / khang mo che la sogs kyis gtsos 'phrad mi shin tu mang zhing / ster cha gzabs par byung / phyi nyin rang byon thugs rje chen po zung dang / yum chen mo sogs gtsug lag khang gi rten khyad par can rnams dang / mkhan chen rdo rje 'chang chen po de