[A:317]nyid kyi dngul gdung mjal bar/ ma nas dam pa de nyid kyi thugs rje nam mkha' mdzod la mnga' brnyes pa'i phyag rdzas thog /gzhung sa chen po nas kyang zhal 'debs dpangs mtho ba bka' drin bskyangs song gshis gzhan dang mi 'dra ba yod bsams kyang / blo kha khengs pa rang ma byung / dngul gdung rin po ches gtsos rten rnams la snyan dar/ spos/ mar me sogs mchod pa rgyas par phul/ phan bde'i don du smon lam btab/ mgon khang mjal bar las gshin yab yum gyi zhal 'bag de nyin cung zad shig 'dug /snyan dar phul zhing phrin bcol byas/ ri phug gi gnas mjal du phyin/ sku zhang gi zhal ngo rnams bsu bar pheb/ bla brang shar chen du gzhis len rgyas par mdzad/ drung chen gyis bzhengs pa'i mkhyen rab chos kyi rgyal po'i sku phyag nas mas gtsos gnang sbyin byung / nged rang nas ja/ gos dar sogs kyis skyes kyang phul/ grwa tshang du mang ja bsngo rten rgyas par phul zhing / dkar po grwa tshang la sger du ja/ gnas brtan bcu drug gi sku thang che ba/ mkhar rnga sogs spyi gzhag byas/ gtsug lag khang gi thams cad mkhyen pa bu ston rin po che'i gzims mal sku 'dras gtsos mkhan brgyud tshang mar snyan shal dang mchod pa rgyas par phul zhing / smon lam kyang rgyas par btab/ de nyin lha khang du tshul khrims kyi dri bsung 'phro ba dang / nyi ma gdugs 'jam zhing 'ja' 'od kyis khengs pa sogs byin gyis brlabs pa'i rtags byung / chos khrir thams cad mkhyen pa'i sku tshab kyi sku bzhugs pa dang / thugs dam sku 'bum chen mo sogs mjal kha zhib tu zhus/ phyi dro dam can rgya mtsho sprin bzhin