[A:320]mjal dar bcas pheb par so so'i go babs dang bstun pa'i bzos sgo zhus/ zhabs drung khams gsum chos kyi rgyal po'i gzims chung du 'jog par gnang / 'byor 'phral nged rang gi lcam pheb bar gdan sa'i bdag mor song gshis khri las babs te ldang ba sogs sku bzos che bar phul zhing / gzhi byes kyi gnas tshul 'phel par byung / gong bzhugs sku zhabs nas gzims dpon gnang nas/ sang gza' tshes stabs mjal kha gnang rtsis yin tshul pheb/ sang nyin gos khyad 'phags kyi gnam rgyan/ 'khar rnga legs pa/ sil snyan/ ja/ ja rta sogs dngos po dpangs mtho ba bcas nged khu dbon so so dang / zla'u rnams kyis kyang gos dar/ rta sogs rgyas pa'i 'bul ba dang bcas dbang khang du mjal kha zhus par/ gong ma'i sku zhabs nas kyang mjal dar gnang ba sogs dbu bla gzhan ma las bzos sgo che bar bka' drin bskyangs shing / stan mtho ba'i thog tu bka' nan ltar bsdad/ lugs gnyis kyi bka' 'phros shin tu rgyas par byung / sku tshe'i rten 'brel du tshe dpag dkar po'i rjes gnang zhig thog mar phul/ nged rang gi lcam la'ang rta/ ja/ mdzo mo/ /na bza' sogs skyes ma gya nom par phul zhing / lcam sku bgres par rta sogs dgu tshan phul/ phyag mdzod/ gnyer dpon/ gzims dpon rnams la rta res gtsos pa'i dgu tshan re dang / zhabs phyi gzhan ma rnams la'ang gang 'tshams kyi skyes ma byin/ phyi nyin nas bzung snga dro nyin bstar gsol ja bzhi re'i ring lung phul bar/ ngor chen rdo rje 'chang gi bka' 'bum pod bzhi ma/ dkon mchog spyi 'dus/ gur drag /rnam sras zhi drag /dud sol lha mo sogs kyi pusti rnams dang / dkyil chog rjes gnang sogs kyi lung shin tu mang bar phul/ phyi dro rnam sras rigs chen brgyad dang / drag po thang lha/ tshe ring mched lnga sogs