[A:321]zur bka'i rigs shin tu mang bar/ dus kyi 'khor lo/ bde mchog bong zhal can/ thig le bcu drug /sangs rgyas thod pa rnams kyi dbang rnams phul/ tshur yang sems dpa' chen po'i bka' 'bum/ dgon gsar ba bsod nams chos 'phel gyi rnam thar/ gtso chen chos sna dmar po skor gsum/ mgon pod gyi ljang / byang gter thugs sgrub rnam gsum sogs kyi ljags lung dang / stod las byang chub sgrub pa/ smad las drag po sgrol dbang / rje btsun nA ro mkha' spyod ma/ dpyal lugs phag mo skor gsum sogs dbang / byin rlabs/ 'jam dbyangs nag po/ gur mgon lha brgyad sogs kyi rjes gnang shin tu mang bar zhus/ skabs shig gzims chung steng du bka' chos zhu dus/ sngags 'chang bla ma nyid 'jam dbyangs dmar ser pod ral bsnams pa zhig tu mthong zhing / nam mkha' la 'jam 'od kyi drwa ba drwa phyed dang / me tog gi char babs pa sogs byung ba'i tshe/ sems dga' bde bsam gyis mi khyab par byung zhing / bla ma 'di sangs rgyas thams cad 'dus pa'i ngo bo dngos yin snyam nges pa gting nas rnyed pa byung / 'byor nas zhag shas song skabs chos sde phan tshun du mang ja bsngo rten sogs gzabs par phul/ rim gyis mchod mjal bar gseng rnams su byas par sgo rum mjal dus/ bse 'bag sku gzi brjid dang / bong yang che ba/ mthing nag cig tu mthong ba bstan pa rgyas pa'i brdar go /skabs shig bse 'bag 'jal du phyin par gong ma gsung bskang la pheb 'dug pa dang 'grigs pas sku mdun du bka' bsgo zhus pas rgyas par stsal/ bar chad kyi g.yul las rgyal song snyam pa'i gdeng yang rnyed/ rgyal ba kun dngos dpal ldan bla ma yi/ /rgyal ba'i bstan srung mchog der bka' bsgos tshe/ /rgyal bas rjes bzung sngags 'chang bdag nyid la/ /rgyal kun srung ma'i