[A:323]'gangs che ba zhig 'dug cing phyis su gdan sar phul 'dug pas/ phar gang 'thob byed mkhan tsho dang mi 'dra ba'i zhabs phyir 'gyur bar sems/ gong sku zhabs sku cung zhig ltem pa'i tshul byung bar/ tshe dbang brgya rtsa sogs sku rim bar chad zhi ba'i thabs dang rten 'brel sogs zhus shing / de'i ring chos dbar byas/ nged rang gi lcam la sor 'brang / tshe ring mched lnga/ thang lha'i zur bka' sogs rjes gnang mang bar phul/ mkhan chen bzang po rgyal mtshan la ku ru kulle tshar lugs thun mong ma yin pa'i rjes gnang zhus/ dbon la kun mkhyen sngags 'bum gyi lung gnang dgos tshul zhus shing bka' drin bskyangs par pusti phyed gsum tsam song 'dug /gong sku zhabs sku dwangs nas bsam gling du 'phyar chen gyis mnga' gsol gnang bar pheb pa'i zhabs phyir bslab ston ltar phyin zhing / rta rgyug pa tshor mgyogs dar sogs kyi ster cha byas/ mgon khang du spyan gzigs snyan dar phul zhing phrin bcol dang nyin skor byas/ bka' chos tshur gnang ba rnams gzhan dang mi 'dra zhing / khyad par drag po sgrol dbang gnang dus/ sku 'chams sogs gzhan gyi 'chams mkhas zer ba sogs dang mi 'dra ba'i sku gzi brjid shin tu che ba/ nyi ma bye ba'i 'od kyang zil gyis gnon nus pa lta bu/ gsung dbyangs yan lag drug cu dang ldan pa'i sgo nas shin tu rgyas par stsal/ nged rang la nad ros cung zad 'tshe bar nged rang gi lcam nas rten 'byung rim gro sogs rgyas par mdzad/ gong sku zhabs nas tshe dbang lcags sdong ma brgya rtsa/ sme brtsegs kyi byab khrus/ gur mgon lha brgyad kyi rjes gnang rnams stsal zhing / 'tsho byed lcam 'di nged rang gi nad ror las 'brel lta bu'i snga sor nas 'phrod ngo shin tu che ba zhig 'ong gin yod gshis da lam yang 'phrod bsten gyis rim bder song / gnas lnga mthar phyin