[A:344]len byas/ rta/ drel/ ja sogs so so nas rtsis sprod rgyas pa dang / tshogs chen du cho ga stong rtsa mdzad par tshogs dbur phyin zhing dge ba dzogs byang du bsngos/ dgon gnas bshad grwar song bas sngar 'chams sogs kyi rgyun mi 'dug par/ 'di kha'i ban tshang rnams gtso bor gyur pas 'chams shig tshugs nas bsams pas 'chams chas skor la/ gos can gyi phod ka nyi shu skor dang / zhwa nag /phur pa/ bandha/ zangs ral/ phyag mtshan gyi rigs mang po/ 'bag sna tshogs pa bcas bca' lag rnams chos sder gling nas 'jim bzo ba sogs bos te legs par bsgrigs shing / zhabs drung dbon rin po ches dbus ban tshang rnams kyis sa 'dul 'chams sna bco brgyad/ 'don bdun/ grub 'chams sogs chos sder gling gi phyag len ji bzhin bslabs shing / zla ba bcu gcig pa'i tshes bcu gnyis la sta gon byas te snga dro kye rdor dang / phyi dro khro bcu'i gtor sgrub bcas zhag brgyad kyi ring sgrub mchod gsar btsugs la zhabs tog sogs deb gsal ltar rgyas pa dang / bco brgyad dus chen nyin 'chams nyin gang / bcu dgu'i nyin gtor rgyag sogs ji srid bstan pa rin po che nam gnas bar tshugs pa'i srol btod de grwa sgrigs legs par byas so/ /'di lo phan yul khul du 'brum nad shin tu gzan pa yod kyang zhabs drung dbon sku mched 'brum pa ma bzhes pas sgrub mchod dus ji ltar 'gab chos skyong dpon blon la bslab ston zhus par/ bar chad med pas khas len byed gsung ba bzhin dus chen skabs dgon par 'brum pa mang bar yod gshis mi tshogs che ba'i khrod pheb dgos gshis blo 'dzangs che bar byung kyang / bla ma dkon mchog gi thugs rjes 'brum pa ma bzhes pas/