[A:345] slar yang chos skyong rnams la nges shes che bar byung / dus chen nyin grwa 'grigs shing / gtor rgyag dus rdor slob kyis zor 'phangs dus/ khad nyer spyang ki glo bur du rgyugs shing lug gcig ded de dus kyi chos nyid du gyur pa sogs ltas legs par byung ba ni bsgral rtag gsal bar mngon/ pha bong kha nas grub pa'i dbang phyug de nyid sku ltem yun ring bar sku rim mthun rkyen gang drag yang yang phul zhing / zla ba 'di nang du sku lus ma spangs par dag pa mkha' spyod du gshegs tshul bstan pa'i mchod 'bul gyi mthun rkyen sogs rgyas par phul zhing / chos mdzad ma sku mched la'ang rim gyis phan cha gang drag zhus/ rab byung / bsnyen rdzogs/ 'dod chos sogs sngar rgyun rnams bsgrubs shing / dgon khag tu phyogs 'gro kyang byas/ shing phag lor lo gsar grub nas/ dbon rin po che sku mched kyi 'brum pa'i stabs chos gzhes mkhar gdong du kun rig dang / dzam dmar sogs kyi bsnyen pa mdzad pa'i dmigs skor sogs gang ci'i bslab bya byas/ tsha ba'i 'bul sdud pa khag gnyis dang / sde dge'i tshongs pa rnams rim gyis phyir rdzong byas/ ra ma rtse nas sde pa rgyal bur sku zhabs grub rgyal du chibs kha sgyur bar mjal kha zhu bar sku zhabs su bcar te rta sogs 'bul dpangs mtho bar phul zhing / gdan bzos bdag rkyen che bar bka' drin bskyangs/ dbon rin po che sku mched sku mtshams grol gdong du phyin/ khad nyer 'brum pa gzan tsam 'dug par chos skyong la bslab ston zhus nas chos gzhis bkra shis sgang du gcad rgya dang / kye rdor gyi gzhi bsnyen mdzad pa'i bkod par byas/ dbyar nad ros yun ring tsam 'tshe bar