[A:134]rjes gnang dang lung sogs stsal zhing / gnyan mgon zhal bzhi pa'i bsnyen dus/ sgrub dus/ gsang sgrub dkar po tshe 'phel rnams kyi rjes gnang / gsang khrid dang be'u bum ha la nag po kha skong dang bcas pa'i lung sogs sngags 'chang sangs rgyas rin chen dang / mkhas grub snying rje bzang po las gsan pa'i mgon po che chung gi chos skor rnams stsal/ lo 'di nang du gong ma sku mtshams la bzhugs pa'i zhabs phyir nged rang phyag na rdo rje 'byung po 'dul byed kyi bsnyen mtshams la bsdad pa'i tshe/ skabs shig rmi lam du gong ma chos kyi rgyal po nyid 'byung po 'dul byed du gyur pa'i thugs ka nas/ rigs gsum mgon po byang chub sems dpa'i tshul spros pas/ de dag gi sku las kyang 'od zer dpag tu med pa spros pas nged rang la re ltos bcas pa'i mdo khams/ rgya bod/ sog po sogs kyi 'gro ba rnams thar pa'i zam par 'dren pa'i tshul zhig byung ba/ nged rang ltos bcas dpal ldan bla ma dam pas rjes su 'dzin pa'i brdar go zhing / de nas khu dbon gyi slob dpon ltar tshe kun rnam gsum/ tshe dbang / rta mgrin/ phyag rdor sogs 'phral dgos rnams nged rang nas gyis gsung pa ltar rim par byas/ tshogs chen la sgrub thabs brgya rtsa sogs kyang bshad pas grwa rigs tshang mas dga' mo 'ong 'dra zer mgu ba'i lugs byed 'dug /lo mjug dpal sa skya pa chen po bdag chen mthu stobs dbang phyug chibs kha bsgyur ba'i chibs bsu ser sbreng sogs gnang song zhing / pheb 'phral bdag chen bco brgyad du gdan