[A:368]dang mkhar sngong gi mi lag sogs kyis gz-ims phug tshogs khang / bla yer skor/ 'bum pa rta lam sogs/ mdor na zhig gsos dgos gras gang yod dang / gsar bzo bcas tshang ma zla ba phyed gnyis kyi khongs su legs par grub 'dug cing / zla ba drug pa'i nang du shar bar tshe sgrub cig dang sbrags blta rtog dang rab gnas la phyin/ dgon gnas 'di me 'bar gyi gtsug lag khang dang khyad par med pa'i dam can chos srung rnams sprin bzhin 'du ba'i gnas mchog dam pa yin gshis/ gong sa chen po yas phyin gyi dbus bstan 'dzin gyi skyes bu dam pa rnams zhabs pad bskal brgya'i bar du brtan cing / rgyal bstan spyi dang / khyad par rdo rje 'chang mkhyen rab yab sras kyi bstan dang de 'dzin rnams kyi bar chad zhi phyir/ ma hA kA la stobs 'phrog dbang po'i sku rten du gnyan lo chen po'i phyag nas ma dang / 'gro ba'i mgon po chos rgyal 'phags pa'i thugs dam rten bram gzugs kyi sku gnyis/ gnyan lo'i shang mtshal las grub pa'i sku thang / gsung rten be'u bum ha la nag po dang / dam rdzas khri rdo/ thugs rten 'ja' tshon snying po'i gter ma gnam lcags rdo rje/ yon tan gyi rten du mtshan ldan thod pa gter bum khyad 'phags/ phrin las kyi rten du sa skya pa sngags 'chang grags pa blo gros kyi sku phur/ gzhan yang rten thug go mtshon sogs spyan gzigs dang bcas pa legs par bsgrigs te phyin skabs bsang / dar 'phyar/ rol mo sogs shin tu rgyas par byed 'dug /zhag bco lnga skor bsdad/ tshogs khang / mgon khang / sgrub phug sogs la shis brjod kyi me tog 'thor/ rten 'brel stabs sgrub