[A:369]phug tu zhag bdun gyi ring tshe sgrub cig byas pas/ gnas de gzhan las khyad par du 'phags pa zhig 'dug /btsun ma rnams la 'dod chos/ mang ja/ ja 'gyed kyi ster cha sogs yang dag byas/ tsha bo chos mdzad spun bcas/ btsun ma rnams kyis rten 'byung tshe sbyin yid bzhin 'khor lo'i cho ga dang 'brel bar dngos po dar ras/ snam bu/ 'bru cha sogs rgyas par byung / dbyar mjal dang / sger mjal/ bzhes spro sogs gzhis len ci shes gang drag lta bu byas song / yon bdag lcab pa sogs 'phrad mi mang ba'ang byung / 'ong nyin btsun ma rnams kyis la rtser thab skyel du byung bar dgon pa'i sgrig lam slob gnyer sogs mthar phyin dgos pa'i bkod pa dpyis phyin pa dang / bsngags mdud/ ster cha rgyas par byas/ gzhis su phyin te zhag gnyis bsdad ring yon bdag g.yog r-igs sogs 'phrad mi mang bar byung / sa sbug tu 'ong dgos tshul byung ba bzhin zhag lnga bsdad ring gsol chas sbom 'bul dang / so sos gzhis len che 'byor chung 'byor gyi gang yod chal chil du gyur cing / spyod khrid kyi chos ra dang / spyi dbang sogs 'dod chos rags rim byas/ dge slong mchog ldan bcas rgyal smad grwa rigs/ grub rgyal sde pa/ yon bdag sogs 'du tshogs shin tu che bas sha mar/ snam bu/ dar ras/ 'bru cha sogs ster cha ci rigs dang / btsun ma rnams kyis nas sran gtso bor gyur pa'i 'bul ba shin tu rgyas par byung / sa sbug tu 'byor/ mang ja/ ja 'gyed/ ster sbyin/ bsngags mdud/ gang spyi'i bkod pa sogs rgyas par byas/ la rtse'i bar thab skyel du byung bar ster sbyin yang dag byas/