[A:385]kyi byin rlabs kho na yis/ /bdag rtse gcig dam chos sgrub 'dod shar/ /tshe 'di phyir skyid pa'i brtan brling khel/ /chos zab zab gzhan la sems ma shor/ /don snyan brgyud gdams pa'i bdud rtsis myos/ /zhes gsungs pa dang / khams gsum 'gro ba'i skyabs mgon ngag dbang blo bzang rgya mtshos/ bdag chen rdo rje 'chang gis gtad pa'i bstan/ /'dzin mkhas kun spangs chos rje'i thugs kyi sras/ /blo gsal rgya mtsho'i rjes 'brang ma gtogs par/ /sa rdzus phal gyis rtogs pa'i skal ba phra/ /zhes gsung pa ltar/ thun mong ma yin pa bdag chen rdo rje 'chang gis yab 'jam dbyangs chen po dang / /mkhan chen dkon mchog bzang po/ /ngor chen rdo rje 'chang gi thugs sras mus chen 'khor lo sdom pa dkon mchog rgyal mtshan rnams las gsan pa rje btsun kun spangs chos rje dang / tshar chen chos kyi rgyal po yab sras la bka' babs pa gsang ba las kyang ches gsang ba gsung ngag rin po che zab mo slob bshad kyi skor rnams kun mkhyen mkhyen brtse'i zin bris bzhin smin rgyas su byas shing / dpon slob rnams kyis gser gyi maNDal/ rten gsum/ gser/ dngul/ bla bre/ gos/ dar/ ja/ mdzo/ snam ras/ khrab/ rung mthun gyi gos mang ba sogs dngos po rgyu bzang la dpangs mtho bar mchod sprin spros te tshar lugs thun mong ma yin pa'i phyag len gyis brgyan pa/ snang gsum gyi ring lung la/ brgyud 'debs dngos grub char 'bebs sogs bla ma brgyud pa'i gsol 'debs kyi rigs/ gsung ngag rin po che lam 'bras bu dang bcas pa'i zin bris gsang